ҲИФЗИ МУҲИТИ ЗИСТ. Дар Душанбе ду таҷҳизот барои коркарди лампаҳои симобдор ба истифода дода шуд
ДУШАНБЕ, 16.11.2023. /АМИТ «Ховар»/. Кумитаи ҳифзи муҳити зисти назди Ҳукумати Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе бо мақсади пешгирии ифлосшавии муҳити зист ва безараргардонии лампаҳои симобдори истифодашуда ду даста таҷҳизот барои коркарди лампаҳои симобдорро ба истифода додааст, хабар медиҳад АМИТ «Ховар» бо истинод ба Кумитаи ҳифзи муҳити зисти мамлакат.
Таҷҳизот барои бехатар истифода бурдан ва безараргардонии лампаҳои симобдор, ки дорои унсури хатарнок ва заҳрнок мебошанд, пешбинӣ шудааст.
Таҷҳизоти нав якчанд афзалияти асосӣ доранд, аз ҷумла коркарди бехатар ва самараноки 350 лампаи симобдорро дар як рӯз таъмин намуда, ба муҳити зист партофтани моддаҳои хатарнокро кам менамоянд. Ҳамзамон таҷҳизоти сайёр имкон медиҳанд, ки дар объектҳои мухталиф истифода шаванд, ки ин дастрасии онро зиёд менамояд.
Истифодаи технологияҳои пешрафта партовҳои зарароварро аз байн мебарад ва раванди коркардро муносиб намуда, омили муҳими ноил шудан ба мувозинати экологӣ мебошад.
Бояд гуфт, ки бо мақсади таъмин намудани аҳолии мамлакат бо неруи барқ ва самаранок истифода бурдани он соли 2009 дар Тоҷикистон марҳилаи гузариш аз лампаҳои тафсон ба лампаҳои каммасраф оғоз гардида буд. Истифодаи лампаҳои каммасраф тадбири замонавӣ ва муфиди истифодаи сарфакоронаи неруи барқ гардид, вале дар баробари ин зарурати таъсиси системаи безараргардонии ҷамъоварӣ, нигоҳдорӣ ва коркарди лампаҳои симобдор ба миён омад, ки метавонад ба саломатии аҳолӣ зарар расонад.
Бо ин мақсад соли 2011 бо қарори Ҳукумати Ҷумҳурии Тоҷикистон «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор» Қоидаҳои ҷамъоварии лампаҳои истифодашуда аз аҳолӣ таҳия шуд. Аз давраи қабули ин қарор то имрӯз 1765 нуқтаи қабули лампаҳои симобдор ташкил шуда, зиёда аз 2 044 329 адад ҷамъоварӣ шудааст.
Ба кор андохтани ин таҷҳизот ба безарар ва самаранок истифода намудани партови лампаҳои симобдори ҷамъшуда мусоидат менамояд. Ин барои саломатии аҳолӣ ва нигоҳ доштани амнияти экологӣ муҳим мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
