Китоби «Бонувони Тоҷикистон — чеҳраҳо, истиқлолият» нашр гардид
ДУШАНБЕ, 14.11.2023. /АМИТ «Ховар»/. Китоби «Бонувони Тоҷикистон — чеҳраҳо, истиқлолият» таҳия ва нашр гардид. Дар ин маҷмуа мусоҳибаву мақолаҳо, очерку лавҳаҳо ва дигар матлабҳо дар жанрҳои гуногуни журналистӣ, ки аз ҷониби рӯзноманигорони ҳирфаӣ дар солҳои 2017 – 2022 таҳия гардидаанд, гирд оварда шудаанд. Дар ин хусус АМИТ «Ховар» бо истинод ба Муассисаи давлатии маҷаллаи «Бонувони Тоҷикистон» хабар медиҳад.
Дар ин китоб инчунин ҳикоя ва шеъру таронаҳои дилнишини адибони шинохта, ҷавонони навқалам ва ҳаводорони доимӣ, ки дар маҷаллаи «Бонувони Тоҷикистон» давоми ин муддат ба нашр расида буданд, чоп шудаанд.
Матлабҳо аз Рӯзи Истиқлоли давлатии Тоҷикистон, аҳамияти таърихии Иҷлосияи сарнавиштсози XVI Шурои Олии Ҷумҳурии Тоҷикистон, ташаббусҳои беназири Пешвои муаззами миллат муҳтарам Эмомалӣ Раҳмон, дастовардҳои мамлакат дар зарфи 30 соли охир, чеҳраҳои занони муваффақу номошнои мамлакат, занону духтарони заҳматқарину ҳунарвари ҷумҳурӣ, худшиносию ватанпарастӣ, расму оинҳои миллӣ, шукуҳу шаҳомати ҷаҳонӣ ёфтани шаҳри дилорои Душанбе, таълиму тарбияи фарзанд ва ғайра ҳикоят менамоянд.
Маҷмуа дар матбааи «Шарқи Озод» бо теъдоди 2000 нусха ба нашр расида, ба доираи васеи хонандагон пешкаш мегардад.
АКС: Муассисаи давлатии маҷаллаи «Бонувони Тоҷикистон»
Шералӣ Хоҷазода: «Маърифати ҳуқуқӣ омили муҳими ҳифзи мероси таърихию фарҳангӣ мебошад»
Доир ба саҳми Эмомалӣ Раҳмон дар татбиқи стратегияи рушди Ҷумҳурии Тоҷикистон китоби нав рӯнамоӣ гардид
Таҳти унвони «Президент — шаҳсутуни истиқлол ва давлатдории миллӣ» конференсияи ҷумҳуриявӣ доир шуд
Ҷилди сеюми китоби «Абармарди таърихсоз»-и академик Фарҳод Раҳимӣ ба нашр расид
Ҳамкории Тоҷикистон ва Қазоқистон дар соҳаи ҳифзи мероси фарҳангӣ ва хаттӣ густариш меёбад
Дар ёдгории таърихии Қалъаи «Золи Зар»-и ноҳияи Данғара корҳои сохтмонӣ оғоз гардиданд
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
