МО ЗИЁДЕМУ ТУ ЯКТО, ЗЕРИ ТУ САФ ОВАРЕМ! Давоми 32 сол дар ҷаҳон ба шарафи варзишгарони тоҷик 6263 маротиба Парчами давлатӣ баланд бардошта шудааст
ДУШАНБЕ, 24.11.2023. /АМИТ «Ховар»/. Давоми 32 соли соҳибистиқлолӣ ба шарафи варзишгарони тоҷик дар мусобиқаҳои сатҳи байналмилалӣ қариб 6263 маротиба Парчами давлатии Тоҷикистон баланд бардошта шудааст. Чунин иброз дошт Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода бахшида ба Рӯзи Парчами давлатии Ҷумҳурии Тоҷикистон.
«Шарафманд аз онем, ки Пешвои миллат ба ҳар давлате, ки сафар намуда, мулоқот анҷом диҳанд ё варзишгарони тоҷик дар мусобиқаҳо пирӯзӣ ба даст оранд, баробари садо додани Суруди миллӣ Парчами давлатии Тоҷикистон низ афрохта мешавад.
Дар чорабиниҳои гуногуни сатҳи олӣ ва фарҳангии берун аз давлат низ ҳунармандон ба хотири гиромидошти арзишҳои миллӣ парчамро парафшон менамоянд. Ҳунармандони машҳури мамлакат меҳру муҳаббати худро нисбат ба Парчами давлатӣ дар шеъру суруд ва таронаҳои худ таҷассум менамоянд, ки нишони арҷгузорӣ ба ин рамзи давлатӣ мебошад», -изҳор дошт ӯ.
Мавсуф иброз дошт, ки мояи ифтихору сарфарозӣ аст, ки Парчами давлатии тоҷикон дар пешгоҳи бинои Созмони Милали Муттаҳид ва созмонҳои ҷаҳоние, ки Тоҷикистон узви онҳо аст, инчунин сафоратҳо ва намояндагиҳои давлатамон дар давлатҳои дигар пайваста партавфишонӣ менамояд.
Имрӯз ҷавонону варзишгарони тоҷик бо дастгириву роҳнамоии Пешвои миллат, ба хотири арҷ гузоштан ба муқаддасоти Ватан ва парафшон намудани Парчами давлатӣ дар арсаи байналмилалӣ дар баробари дигар қишрҳои ҷомеа талошу ташаббусҳои созанда намуда, бо иродаи қавӣ, матонату қаҳрамонии худ дар мусобиқоти сатҳи ҷаҳонӣ иштирок ва ҷойҳои ифтихориро сазовор мегарданд. Ба хотири варзишгарони мо имрӯз Парчами Тоҷикистон дар байни парчами садҳо давлати ҷаҳон парафшон гардида, Суруди миллии Ҷумҳурии Тоҷикистон садо медиҳад, ки ин мояи ифтихор ва нишони соҳибистиқлолии миллати тоҷик мебошад.
«Қарзи имрӯзаи мо, шаҳрвандон, хосса ҷавонон ин аст, ки рамзи ватандӯстӣ, худшиносиву худогоҳии миллиро гиромӣ дорем ва баҳри ҳамеша парафшон буданаш ҷаҳду талош намоем. Ҷавонон бояд ҳамеша зери ливои муқаддаси хеш муҳофизи манфиатҳои давлату миллати худ бошанд, ҳамеша аз Парчами миллии худ ифтихор дошта бошанд, эҳтироми онро ҳамчун нишони давлатдории миллӣ, озодӣ ва иқтисодиёти Ватан, чун сарвати гаронбаҳои умумимиллӣ ба ҷо оранд, қадру манзалат ва нақшу эътибори онро ба фарзандони худ ва ҷавонону наврасон талқин намоянд», -таъкид намуд Абдулло Раҳмонзода.
Зарангези ЛАТИФ,
АМИТ «Ховар»
АКС: АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
