Намояндаи Тоҷикистон дар Конгресси ҷаҳонии гидроэнергетикӣ дар Индонезия иштирок намуд
ДУШАНБЕ, 03.11.2023 /АМИТ «Ховар»/. Аз 31 октябр то 2 ноябр дар шаҳри Балии Ҷумҳурии Индонезия Конгресси ҷаҳонии гидроэнергетикӣ доир гардид, ки дар он ҳайти Ҷумҳурии Тоҷикистонро Вазири энергетика ва захираҳои оби ҷумҳурӣ Далер Ҷумъа роҳбарӣ намуд, хабар медиҳад АМИТ «Ховар» бо истинод ба Вазорати энергетика ва захираҳои об.
Иттилоъ дода шуд, ки конгресси ҷаҳонӣ имкони муносиб барои он буд, ки чӣ тавр гидроэнергетикаи устувор метавонад барои таъмини амнияти энергетикӣ ва расидан ба сифри холиси глобалӣ (net zero) мусоидат намояд.
Президенти Ҷумҳурии Индонезия Ҷоко Видодо изҳори умедворӣ намуд, ки Конгресси ҷаҳонии гидроэнергетикӣ метавонад форуми ҳамкорӣ бошад, то тавсеаҳои сиёсӣ таҳия ва сармоягузорӣ дар истифодаи энергияи обӣ барои иқтисодиёти устувори “сабз” афзоиш дода шавад.
Дар конгресси имсола тақрибан 1500 нафар аз давлатҳои ҷаҳон, созмонҳои байналмилалӣ ва институтҳои молиявӣ иштирок намуданд, ки мавзуи асосии он «Таъмини рушди устувор барои иқтисодиёти давлатҳои рӯ ба тараққӣ» буд.
Ҳамзамон 31 октябр дар ҳошияи баргузории Конгресси ҷаҳонии гидроэнергетикӣ Вазири энергетика ва захираҳои оби ҷумҳурӣ Далер Ҷумъа дар чорабинии канорӣ зери унвони «Таъмини гузариш ба энергияи тоза дар Осиёи Ҷанубӣ ва Марказӣ» иштирок ва вобаста ба мавзуи чорабинӣ рӯнамо пешниҳод намуд.
Вазир вобаста ба иқтидори гидроэнергетикии Тоҷикистон рушди ин соҳа, ҳадафҳои дар самти обу энергетика ва иқлим гузоштаи Ҳукумати Тоҷикистон, ташаббусҳои бозори минтақавии интиқоли неруи барқи Осиёи Марказӣ, Ҷанубӣ, Ғарбӣ ва минтақаи АвруОсиё, мушкилоту имконият ва татбиқи лоиҳаҳои амалкунанда ва нақшавии Тоҷикистонро муаррифӣ намуд.
Вазири энергетика ва захираҳои оби Ҷумҳурии Тоҷикистон Далер Ҷумъа дар чорчӯбаи Конгресси ҷаҳонии гидроэнергетикӣ бо Президенти Ҷумҳурии Индонезия Ҷоко Видодо суҳбати кӯтоҳ намуда, миннатдории Президенти Ҷумҳурии Тоҷикистон муҳтарам Эмомалӣ Раҳмонро барои ташкили чунин чорабинии бонуфузи энергетикӣ расонид.
АКС: Вазорати энергетика ва захираҳои оби Ҷумҳурии Тоҷикистон
Агентии «Тоҷикстандарт»: «Ҳангоми хариди моеи зиддисардӣ — антифриз аз фурӯшанда сертификати мутобиқат талаб намоед!»
Ҳаҷми истеҳсоли маҳсулоти кишоварзии ноҳияи Мастчоҳ соли 2025 ба беш аз 1,6 миллиард сомонӣ расид
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
