Паҳлавонони тоҷик дар Чемпионати ҷаҳон оид ба кураш дар Туркманистон соҳиби 2 медали биринҷӣ шуданд

Ноябрь 28, 2023 15:39

ДУШАНБЕ, 28.11.2023. /АМИТ «Ховар»/. Дар шаҳри Ашқободи Туркманистон Чемпионати 14-уми ҷаҳон оид ба кураш -2023 идома дорад, ки дар он 7 варзишгар аз Ҷумҳурии Тоҷикистон иштирок доранд. Тоҷикистонро дар рӯзи аввали мусобиқа   Ҳақназар Назаров, Фирдавс Насимов ва Хуршед Маҷидов намояндагӣ намуданд. Аз байни онҳо ба Фирдавс ва Хуршед муяссар шуд, ки медалҳои биринҷии мусобиқаро  сазовор гарданд. Дар ин хусус шореҳи варзиши АМИТ «Ховар»  бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар медиҳад.

Паҳлавони дигари тоҷик Ҳақназар Назаров дар вазни то 90 кг дар даври аввал бар намояндаи Ироқ – Муҳаммад Кадҳим пирӯз гардида, ба даври дуюм роҳ ёфт. Дар даври дуюм Ҳақназар дар як рақобати  хеле мушкил  аз паҳлавони қирғиз Жамалбек Асюлбек Уулу ноком шуда, мусобиқаро бе натиҷа ҷамъбаст намуд.

Фирдавс Насимов дар вазни то 100 кг дар даври аввал бар Муҳаннад Аласмарӣ аз Арабистони Саудӣ зафар ёфта, дар даври дуюм бар намояндаи Юнон — бо бартарии имтиёзи як чалла пирӯз шуда, ба даври нимниҳоӣ баромад. Дар даври ниманиҳоӣ Фирдавс аз намояндаи Узбекистон – Ҷамшед Маҳмадраҳимов мағлуб шуда, соҳиби медали биринҷӣ гардид.

Паҳлавони дигари  тоҷик Хуршед Маҷидов дар вазни ҷамъи 100 кг дар як рақобати  мушкил  бар Бекполот Тогтогонови қирғиз дар даври аввал зафар ёфта, ба даври дуюм баромад. Дар даври чаҳорякниҳоӣ Хуршед бар намояндаи Доминикан ғолиб омада, ба даври нимниҳоӣ баромад. Дар даври нимниҳоӣ Хуршед аз намояндаи Эрон – Абдулфаз Торобӣ мағлуб шуда, соҳиби медали биринҷӣ шуд.

Хотиррасон мешавем, ки   имрӯз,  28  ноябр мусобиқа дар шаҳри Ашқобод анҷом  меёбад. Ҷумҳурии Тоҷикистонро маротибаи аввал 7 паҳлавон аз риштаи кураш дар ин мусобиқаи бонуфуз намояндагӣ  намуданд.   Инҳо Муслимбек Каримов дар вазни то  60 кг, Хайрандеш Муродзода дар вазни то 66 кг, Наврӯзи Каримзод  дар вазни то 73 кг  ва Мирзоҷамил Рамазонов  дар вазни то 81 кг мебошанд.

 АКС аз манбаъҳои боз

Ноябрь 28, 2023 15:39

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад