«ШАҲОМАТИ РОҒУН». Маҷмуаи мақолаҳои кормандону омӯзгорони Донишгоҳи миллии Тоҷикистон доир ба ин иншооти аср ба табъ расид
ДУШАНБЕ, 28.11.2023. /АМИТ «Ховар»/. «Шаҳомати Роғун» — бо чунин унвон маҷмуаи мақолаҳои кормандону омӯзгорони Донишгоҳи миллии Тоҷикистон ба табъ расид, иттилоъ медиҳад АМИТ «Ховар» бо истинод ба Донишгоҳи миллӣ.
Гуфта мешавад, ки дар китоб натиҷаҳои боздид ва таассуроти ҳайати устодон ва кормандони донишгоҳ баъди сафари шиносоӣ ба НБО-и “Роғун” ба нашр расидааст.
Дар китоб 50 мавод аз устодони факултетҳои филология, журналистика, химия, биология, физика, таърих ва ғайра нашр шудааст.
Китоб аз 277 саҳифа иборат буда, бо забонҳои русиву англисӣ низ тарҷума шудааст. Инчунин дар маҷмуа аксу суратҳои гуногун нашр гардидаанд, ки ифодагари сафару мушоҳидаҳои устодони донишгоҳ ба иншооти сарнавиштсози миллат мебошанд.
Тавре дар муқаддимаи китоб дарҷ шудааст, «маҷмуаи «Шаҳомати Роғун» баёнгари садоқату муҳаббати устодону кормандони Донишгоҳи миллии Тоҷикистон ба иқдому ташаббусҳои Пешвои миллат дар бунёди Неругоҳи барқи обии «Роғун» аст.
Бояд тазаккур дод, ки Неругоҳи барқи обии «Роғун» бузургтарин иншооти гидроэнергетикӣ дар ҷумҳурӣ буда, ояндаи Тоҷикистонро пурнуру дурахшон менамояд. Тавре Президенти мамлакат муҳтарам Эмомалӣ Раҳмон таъкид менамоянд, ««Роғун» манбаи нури ҳар хонадон, гармии қалби ҳар фарди Ватан, сарчашмаи иқболу сарбаландии мардуми тоҷик, кафолати рушди босуботи Тоҷикистон ва нуфузу обрӯи давлати соҳибихтиёри тоҷикон мебошад!».
Неругоҳ бо маҷмааи иншооти зеризаминӣ ва баландтарин сарбанди гидротехникии дунё мояи ифтихору сарфарозии мардуми тоҷик мебошад, зеро он барои садсолаҳо барои тоҷикистониёну минтақа бунёд ёфта, омили рушд ва боло рафтани сатҳи иқтисодиёти мамлакат, баланд гардидани вазъи иҷтимоӣ ва некуаҳволии мардум мегардад.
Зарангези ЛАТИФ,
АМИТ «Ховар»
АКС: Донишгоҳи миллии Тоҷикистон
Хонандагони тоҷик дар Олимпиадаи байналмилалии «JBMO-2024» дар Туркия сазовори 6 ҷои ифтихорӣ гардиданд
Аз Донишгоҳи миллии Тоҷикистон 7 нафар дар озмуни эссеи беҳтарини Туркманистон сазовори ҷойи ифтихорӣ гардиданд
«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид
«TEENEAGLE». Хонандагони тоҷик дар ин олимпиадаи байналмилалӣ соҳиби 41 ҷойи ифтихорӣ гардиданд
Маркази миллии тестӣ: «Даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ оғоз гардид»
Дар Донишгоҳи техникии Тоҷикистон бо намояндагони Пажуҳишгоҳи кореягии тадқиқоти роҳи оҳан вохӯрӣ доир гардид
Дар вилоятҳои Хатлон ва Суғд донишкадаҳои байналмилалии Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» таъсис меёбанд
САМАРИ ВАҲДАТИ МИЛЛӢ-БУНЁДИ САДҲО МУАССИСАҲОИ МУОСИРИ ТАЪЛИМӢ! Маълумот дар бораи дастовардҳои соҳаи маориф дар шаҳри Душанбе
Байни Кумита оид ба таҳсилоти ибтидоӣ ва миёнаи касбии Тоҷикистон ва Донишгоҳи давлатии омӯзгории Олтойи Русия шартномаи ҳамкорӣ ба имзо расид
Дар Душанбе бо намояндагони ваколатдори Маркази миллии тестӣ ва роҳбарони марказҳои имтиҳонӣ вохӯрӣ доир гардид
Дар Тоҷикистон 11 стратегияву, консепсия ва барномаҳои давлатӣ дар соҳаи маориф амалӣ мегарданд
ҶАВОНОН — ПАЙРАВОНИ ПЕШВОИ МИЛЛАТ. Дар Хоруғ ҳамоиши гирандагони стипендияи президентӣ баргузор шуд
