Ҳайати Тоҷикистон дар ҷаласаи Шурои роҳбарикунандаи Донишкадаи омори СММ дар Малайзия иштирок дорад
ДУШАНБЕ, 14.12.2023 /АМИТ «Ховар»/. Ҳайати Агентии омори назди Президенти Ҷумҳурии Тоҷикистон бо роҳбарии Директори Агентии омор дар ҷаласаи 19-уми Шурои роҳбарикунандаи Донишкадаи омори Созмони Милали Муттаҳид барои давлатҳои Осиё ва Уқёнуси Ором ва машварати идоравии 18-ум барои роҳбарони аввали мақомоти омори минтақаи Осиё ва Уқёнуси Ором, ки дар шаҳри Куала-Лумпури Ҷумҳурии Малайзия оғоз гардид, иштирок дорад.
Тавре ба АМИТ «Ховар» дар Агентии омор хабар доданд, ҷаласаи Шуро то 15 декабр идома ёфта, аз ҷониби Донишкадаи омори Созмони Милали Муттаҳид барои давлатҳои Осиё ва Уқёнуси Ором ташкил гардида, масъалаи асосии кори он баррасии корҳои иҷрогардида дар ҳамкорӣ бо мақомоти омори давлатҳо, нақшаи амал барои соли 2024 ва муаррифии нақшаҳои дарозмуддат барои солҳои 2025-2029 мебошад. Дар ин Шуро таклифу пешниҳодҳои роҳбарони аввали мақомоти омори давлатҳо ҷиҳати ташкили машғулияти омӯзишӣ барои мутахассисони соҳаи омор дар солҳои оянда ба инобат гирифта мешавад.
Инчунин дар ҳошияи ҷаласаи Шуро машварати идоравии 18-ум барои роҳбарони аввали мақомоти омори минтақаи Осиё ва Уқёнуси Ором аз ҷониби бахши омори Комиссияи иктисодӣ ва иҷтимоии Созмони Милали Муттаҳид барои минтақаи Осиё ва Уқёнуси Ором ташкил гардида, дар он иштирокчиён имконият доранд оид ба рушди низоми омори миллӣ ва дастовардҳои соҳа табодули таҷриба ва муошират намоянд. Мавзуи асосӣ дар ин машварат- ин риояи дурусти принсипҳои асосии омори расмӣ дар мақомоти омори давлатҳои минтақа мебошад.
Дар доираи кори ҷаласаҳо вохӯрии Директори Агентии омор бо роҳбари Донишкадаи омори Созмони Милали Муттаҳид, Директори мақомоти омори Малайзия, намояндаи шуъбаи омори Созмони Милали Муттаҳид, дигар шарикони рушд ва намояндагони мақомоти омори давлатҳои минтақа оид ба рушди ҳамкории минбаъда дар самти омоданамоии кадрҳои баландихтисос ва табодули таҷриба бо дигар давлатҳо дар назар дошта шудааст.
АКС: Агентии омори назди Президенти Ҷумҳурии Тоҷикистон
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
