Бахшида ба 95-солагии нависандаи маъруфи қирғиз Чингиз Айтматов дар Душанбе ҳамоиш баргузор гардид
ДУШАНБЕ, 12.12.2023. /АМИТ «Ховар»/. Саҳми Чингиз Айтматов дар инкишоф ва густариши робитаҳои дӯстии халқи тоҷику қирғиз назаррас буда, ҳамкории эҷодии ӯ бо як зумра намояндагони илм ва адабиёти тоҷик, аз ҷумла устод Садриддин Айнӣ, Мирзо Турсунзода, Акбар Турсун ва дигарон исботи ин гуфтаҳо аст.Чунин иброз дошт Раиси Иттифоқи нависандагони Тоҷикистон Низом Қосим имрӯз зимни баргузории ҳамоиш бахшида ба 95-солагии нависандаи маъруфи қирғиз, арбоби давлатӣ ва дипломат Чингиз Айтматов, иттилоъ доданд ба АМИТ «Ховар» дар Китобхонаи миллии Тоҷикистон.
Ҳамоиш бахшида ба 95-солагии нависандаи маъруфи қирғиз Чингиз Айтматов доир шуда, пеш аз оғози чорабинӣ дар саҳни китобхона аксҳо ва китобҳои Чингиз Айтматов ба намоиш гузошта шуданд. Ҳамчунин филми кӯтоҳи мустанад дар бораи ҳаёт ва фаъолияти ӯ пешкаши ҳозирин гардид.
Дар оғози ҳамоиш Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон Эрлан Абдилдаев иброз дошт, ки Чингиз Айтматов на танҳо нависандаи маҳбуби мамлакати худ, балки тамоми дунё буд. Асарҳои ӯ дар тамоми қитъаҳо машҳур буда, ба 186 забони ҷаҳон тарҷума шудаанд, ки мероси фарҳангӣ ва маънавии тамоми башарият мебошанд.
Раиси Иттифоқи нависандагони Тоҷикистон Низом Қосим иброз дошт, ки шахсияти нависандаи бузург Чингиз Айтматов ва эҷодиёти ӯ дар ҳаёти адабии Точикистон мавқеи махсусро ишғол менамоянд.
Дар ҳамоиш ҳамчунин намояндагони Вазорати корҳои хориҷии Ҷумҳурии Тоҷикистон ва Вазорати фарҳанги Тоҷикистон, нависандагон ва тарҷумонҳои асарҳои Чингиз Айтматов ба забони точикӣ андешаҳои худро доир ба осор ва афкори ин нависандаи бузург изҳор доштанд.
АКС: Китобхонаи миллии Тоҷикистон
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
