ЧЕМПИОНАТИ ТОҶИКИСТОН -2023. Дастаи футболи «Истиқлол»-и шаҳри Душанбе пеш аз муҳлат ғолиб гардид

ДУШАНБЕ, 02.12.2023. /АМИТ «Ховар»/. Дастаи футболи «Истиқлол»-и шаҳри Душанбе дар бозии мавқуфмондаи даври сеюми марҳилаи сеюми Чемпионати Тоҷикистон бар дастаи футболи   «Куктош» -и ноҳияи Рӯдакӣ ғолиб омада, пеш аз муҳлат ғолиби Чемпионати Тоҷикистон -2023 оид ба футбол шуд. Дар ин хусус шореҳи варзиши АМИТ «Ховар»  бо истинод ба Федератсияи футболи Тоҷикистон хабар медиҳад.

Вохӯрии дастаҳо дар «Варзишгоҳи марказии шаҳри Душанбе» доир гардида, бо ҳисоби калони  4:1 ба фоидаи дастаи дастаи футболи «Истиқлол»-и шаҳри Душанбе анҷом ёфт. Голҳоро аз ҳайати дастаи «Истиқлол» – Алишер Ҷалилов ду маротиба, Шервонӣ Мабатшоев ва Амадонӣ Камолов ба нишон  расониданд. Ягона голи дастаи  футболи «Куктош»-и ноҳияи Рӯдакиро Муҳиддин Одилов ба нишон расонид.

Пас аз ин пирӯзӣ дастаи футболи «Истиқлол»-и шаҳри Душанбе шумораи имтиёзҳояшро дар ҷадвали Чемпионати Тоҷикистон -2023 ба 43 адад расонида, аз дастаи футболи «Равшан»-и шаҳри Кӯлоб, ки дар ҷои дуюм аст, 9 имтиёз бештар ба даст овард.

Ёдовар мешавем, ки дастаи футболи «Истиқлол»-и шаҳри Душанбе маротибаи 12-ум чемпиони Тоҷикистон гардид.

                                                   АКС: Федератсияи футболи Тоҷикистон