Дар Хоруғ ярмаркаи навбатии фурӯши маҳсулоти кишоварзӣ доир гардид
ДУШАНБЕ, 26.12.2023 /АМИТ «Ховар»/. 26 декабр дар майдони Исмоили Сомонии шаҳри Хоруғ бо мақсади таъмини аҳолӣ бо маҳсулоти мавриди ниёзи аввал намоиш-фурӯши маҳсулоти кишоварзӣ баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Ин иқдом бо ибтикори Мақомоти иҷроияи ҳокимияти давлатии Вилояти Мухтори Кӯҳистони Бадахшон, шаҳру ноҳияҳои вилоят ва намояндагии Агентии захираҳои моддии давлатии назди Президенти Ҷумҳурии Тоҷикистон дар вилоят амалӣ гардида, дар он маҳсулот, аз қабили гӯшт, картошка, сабзӣ, карам, пиёз, биринҷ, макарон, себу нок, консерваҳо ва маҳсулоти шириву қаннодӣ бо нархҳои нисбатан арзон пешкаши сокинони шаҳру вилоят гардид.
Намоиш-фурӯши маҳсулотро роҳбарияти вилоят ва шаҳри Хоруғ тамошо намуда, ба масъулини дахлдор ҷиҳати боз ҳам фаровонтар намудани номгӯи маҳсулот дастуру супориши мушаххас доданд.
Таъкид гардид, ки нархи маҳсулоти чунин намоишҳо бояд аз бозор нисбатан арзон бошад. Ҳамчунин бояд ба сифати маҳсулоти мавриди ниёзи аввал таваҷҷуҳи бештар зоҳир гардад.
Дар намоиш-фурӯш маҳсулоти кишоварзон аз нархи бозор 20-30 фоиз арзонтар буд, ки харидорон аз ин қаноатманд гардиданд.
АКС: Мақомоти иҷроияи ҳокимияти давлатии шаҳри Хоруғ
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
Дар Шанхай масъалаи таъсиси кластери саноатии металлҳои ранга дар вилояти Суғд баррасӣ шуд
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Байни Кумитаи бехатарии озуқавории Тоҷикистон ва Вазорати озуқаворӣ, кишоварзӣ ва саноати сабуки Муғулистон Ёддошти тафоҳум ба имзо расид
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
