Дар ноҳияи Ҷаббор Расулов моҳипарварӣ рушд меёбад
СУҒД, 03.12.2023 /АМИТ «Ховар»/. Дар ноҳияи Ҷаббор Расулов бо дастгирии Мақомоти иҷроияи ҳокимияти давлатии вилояти Суғд соҳаи моҳипарварӣ рушд ёфта, ҳавзҳои нави моҳипарварӣ таъсис дода мешаванд. Раиси вилояти Суғд Раҷаббой Аҳмадзода зимни сафар ба ноҳияи Ҷаббор Расулов бо нақшаҳои созандаи хоҷагии моҳипарварии «Хайри сафо» шинос шуд. Дар ин хусус ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.
Иттилоъ дода шуд, ки Ҷамъияти дорои масъулияти маҳдуди «Хайри сафо» дар навбати аввал аз хориҷи мамлакат тухми моҳӣ ворид намуда, ният дорад дар рушди моҳипарварӣ саҳм гузорад. Бояд гуфт, ки ҷамъият навтаъсис буда, метавонад дар як моҳ то 300 ҳазор дона моҳӣ истеҳсол намояд.
Бо амалӣ шудани ҳадафҳои созандаи ҷамъият ояндаи наздик то 1000 тонна моҳӣ содирот мешавад. Ҷамъият дар нақша дорад, ки минбаъд истеҳсоли моҳиро ба роҳ монад ва бо ин роҳ самти фаъолиятро васеъ ва ҳаҷми истеҳсоли моҳиро зиёд намояд. Ҳоло корҳои сохтмонӣ дар ҳавзҳои нақшавӣ идома доранд.
Дар ин мавзеи ноҳияи Ҷаббор Расулов моҳи апрели соли равон марҳилаи дуюми ҳавзҳои парвариши гулмоҳии Ҷамъияти дорои масъулияти маҳдуди «Корпоратсияи моҳии тоҷик» ба истифода дода шуд. Ҳавзҳои моҳипарварӣ дар доираи дастуру супоришҳои Пешвои миллат муҳтарам Эмомалӣ Раҳмон аз ҷониби Ҷамъияти дорои масъулияти маҳдуди «Корпоратсияи моҳии тоҷик» дар масоҳати 1 гектар ташкил гардида, дар онҳо парвариши 100 ҳазор моҳича ба роҳ монда шудааст.
Ёдовар мешавем, ки марҳилаи аввали ҳавзҳои парвариши гулмоҳӣ дар ноҳияи Ҷаббор Расулов 29 июли соли 2021 дар масоҳати 40 садяк замин бо иштироки Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуда буд.
Ҳоло дар ҳудуди вилояти Суғд 63 хоҷагии моҳипарварӣ сабт шудааст. Хоҷагиҳои моҳипарварӣ дар ноҳияҳои Бобоҷон Ғафуров, Ҷаббор Расулов, Спитамен, Ашт, Айнӣ ва дар шаҳрҳои Конибодом, Исфара ва Панҷакент фаъолият менамоянд, ки дар онҳо асосан моҳии зотҳои амури сафед, пешонапаҳми сафед, зағорамоҳӣ, гулмоҳӣ, тосмоҳӣ ва чанд намуди дигар парвариш мешавад.
То 1 ноябр беш аз 684 тонна гӯшти моҳӣ истеҳсол гардидааст, ки нисбат ба ҳамин давраи соли гузашта 185 тонна зиёд мебошад.
АКС: Хадамоти матбуоти Раиси вилояти Суғд
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
