Дар ҳошияи COP28 чорабинии канорӣ дар мавзуи «Шабакаҳои лабораторӣ: муҳимият, мушкилот, комёбиҳо ва нигоҳи он» баргузор шуд
![](https://khovar.tj/wp-content/uploads/2023/12/dubay-1.jpg)
ДУШАНБЕ, 12.12.2023 /АМИТ «Ховар»/. Дар шаҳри Дубайи Аморати Муттаҳидаи Араб дар ҳошияи COP28 чорабинии канорӣ дар мавзуи «Шабакаҳои лабораторӣ: муҳимият, мушкилот, комёбиҳо ва нигоҳи он» баргузор шуд. Дар ин хусус АМИТ «Ховар» бо истинод ба Кумитаи бехатарии озуқаворӣ хабар медиҳад.
Дар чорабинии канорӣ Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода, директори минтақавии Каритаси Швейтсария дар Осиёи Марказӣ Шинан Кассам, Раиси Кумитаи ҳифзи муҳити зисти назди Ҳукумати Ҷумҳурии Тоҷикикистон Баҳодур Шерализода ва намояндагони Созмони Милали Муттаҳид суханронӣ намуданд.
Дар ҳамоиш Раиси Кумитаи бехатарии озуқаворӣ Муҳаммадсаид Файзуллозода вобаста ба самтҳои асосии фаъолияти амнияти озуқаворӣ, яъне назорат дар самти байторӣ, фитосанитарӣ, тухмипарварӣ ва зотпарварӣ, инчунин тарзи додани иҷозатномаҳои воридот, содирот ва транзити молҳои назоратшаванда сухан гуфт.
АКС: Кумитаи бехатарии озуқавории назди Ҳукумати Ҷумҳурии Тоҷикистон