Дар Созмони ҷаҳонии тандурустӣ роҳҳои мубориза бо Сovid ва зукомро баррасӣ намуданд

ДУШАНБЕ, 19.12.2023 /АМИТ «Ховар»/. Эмгузаронӣ ва пӯшидани ниқобҳо роҳи асосии мубориза бо бемории Сovid ва зуком боқӣ мемонад,-изҳор намуд ба  РИА «Новости» намояндаи расмии Созмони ҷаҳонии тандурустӣ дар Русия Мелита Вуйнович, хабар медиҳад АМИТ «Ховар».

«Пеш аз ҳама, мехоҳам иброз намоям, ки мақомоти маҳаллӣ ва миллии тандурустӣ манбаи боэътимодтарини тавсияҳо  ба аҳолӣ оид ба чораҳои пешгирии инфиродӣ дар тамоми давлатҳо маҳсуб мешаванд. Агар мо дар бораи тавсияҳо сухан мегӯем, пас ҳам ҳангоми Covid-19 ва ҳам зуком эмгузаронӣ ҳаётро наҷот мебахшад. Ваксинаҳо беҳтарин роҳи мубориза бо ин бемориҳо боқӣ монда, бемориҳои шадид ва фавтро пешгирӣ менамоянд»,-гуфт ӯ.

Ҳамчунин Вуйнович иброз дошт, ки яке аз ҷузъҳои маҷмуи чораҳои пешгирӣ ва мубориза бо маҳдуд намудани паҳншавии Covid-19 ниқобҳо мебошанд. Онҳоро бояд дар ҷойҳои серодам, пӯшида ё дорои ҳавогузаронии бад истифода намуд.

«Ба шумо тавсия дода мешавад, ки ба ғайр аз ҷойҳои дар боло гуфташуда, инчунин дар ҳолатҳое, ки шумо ҳангоми дар як ҳуҷра бо одамони дигар буданатон фикр мекунед, ки метавонед ба Covid-19 дучор шавед ё агар шумо дар як фазо бо шахсе, ки дорои нишонаҳои Covid-19 мебошад, ё касе, ки натиҷаи санҷиши ковид-19-и ӯ мусбат баромадааст, қарор доред; агар шумо дар фазои ҷамъиятӣ қарор доред ва ё шумо беморие (масалан, диабети қанд, бемориҳои дилу шуш, саратон ва ғайра) дошта бошед ё синнатон аз 60 болотар бошад, бояд ҳатман ниқоб пӯшед,», — таъкид намуд намояндаи созмон.

 АКС аз манбаъҳои боз