Имрӯз дар Тоҷикистон ҳаво абрнок шуда, вазиши сахти шамол ба амал меояд

ДУШАНБЕ, 14.12.2023 /АМИТ «Ховар»/. Имрӯз дар бештари ноҳияҳои водию доманакӯҳ ва ағбаҳо фаромадани туман пешгӯӣ мешавад. Дар вилояти Суғд дар баъзе ҳолатҳо шиддати вазиши шамол бо суръати то 20-25 метр дар як сония ва дар ағбаҳо пайдоиши қабати барфии бодовард ва яхбандӣ боқӣ мемонад. Дар ин хусус АМИТ «Ховар» бо истинод ба Агентии обуҳавошиносии ҷумҳурӣ хабар медиҳад.

Дар ғарби Вилояти Мухтори Кӯҳистони Бадахшон ҳавои абрнок  шуда, шабона дар баъзе ноҳияҳо борону барф ба амал омада, рӯзона ҳавои бебориш дар назар буда, дар баъзе ноҳияҳо туман мефарояд. Шамол аз самти ғарб бо суръати 5-10, дар баъзе ноҳияҳо бо шиддати то 15-20 метр дар як сония мевазад. Ҳаво дар ғарб шабона аз 4-9 дараҷа хунук, рӯзона 3+8 дараҷа гарм, дар шарқ шабона 16-21 ва рӯзона аз 4 дараҷа хунук то 1 дараҷа гарм мешавад.

Дар вилояти Суғд ҳавои тағйирёбандаи бебориш  мешавад. Шамол аз самти ғарб бо суръати 10-15, дар баъзе ноҳияҳо бо шиддати то 20-25 метр дар як сония мевазад. Ҳаво дар водиҳо шабона аз 3 дараҷа хунук то 2 дараҷа гарм ва рӯзона аз 2 дараҷа хунук то 3 дараҷа гарм, дар ноҳияҳои кӯҳӣ шабона 2-7 дараҷа хунук ва рӯзона 2+7 дараҷа гарм мешавад.

Дар вилояти Хатлон ҳавои тағйирёбандаи бебориш пешгӯӣ мешавад. Шамол аз самти ғарб бо суръати 7-12, дар баъзе ноҳияҳо бо шиддати то 13-18 метр дар як сония мевазад. Ҳаво дар водиҳо шабона 0+5, рӯзона 11+16, дар доманакӯҳҳо шабона аз 2 дараҷа хунук то 3 дараҷа гарм ва рӯзона 4+9 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбандаи бебориш дар назар дошта  шуда, дар баъзе ноҳияҳо туман мефарояд. Дар ноҳияҳои алоҳида туман мефарояд. Шамол аз самти ғарб бо суръати 4-9, дар баъзе ноҳияҳо бо шиддати то 10-15 метр дар як сония мевазад. Ҳаво дар водиҳо шабона 0+5 дараҷа гарм, рӯзона 11+16 дараҷа, дар ноҳияҳои кӯҳӣ ҳаво шабона аз 2 дараҷа хунук 3 дараҷа гарм ва рӯзона 3+8 дараҷа гарм мешавад.

Дар Душанбе ҳавои тағйирёбандаи бебориш пешгӯӣ шуда, туман мефарояд. Шамол аз самти ғарб  бо суръати 4-9 метр дар як сония мевазад. Ҳаво шабона 2+4 ва рӯзона 14+16 дараҷа гарм мешавад.