35-СОЛАГИИ ИСТИҚЛОЛИ ДАВЛАТӢ. Дар ноҳияи Шамсиддини Шоҳин варзишгоҳ бо 6 ҳазор ҷойи нишаст сохта мешавад
Ш. ШОҲИН, 24.01.2024 /АМИТ «Ховар»/. Дар доираи корҳои омодагӣ ба ҷашни 35-солагии Истиқлоли давлатӣ дар ноҳияи Шамсиддини Шоҳин сохтмони варзишгоҳ бо 6 ҳазор ҷойи нишаст идома дорад. Дар ин хусус мудири бахши меъморӣ ва шаҳрсозии Мақомоти иҷроияи ҳокимияти давлатии ноҳияи Шамсиддини Шоҳин Қурбон Нуралиев ба АМИТ «Ховар» иттилоъ дод.
Варзишгоҳ бо маблағгузории Дирексияи сохтмони иншооти ҳукуматӣ сохта шуда, масоҳати умумии заминаш 5 гектарро ташкил медиҳад. Дар корҳои сохтмонӣ 15 сокини маҳаллӣ бо ҷойи кор ва маоши хуб таъмин гардидаанд.
Қурбон Нуралиев изҳор дошт, ки дар баробари сохтмони варзишгоҳ дар ноҳияи Шамсиддини Шоҳин бинои нави Маркази ҷавонон, Маҷмааи модар ва кӯдак барои 60 кат, муҷассамаи нависанда Шамсиддини Шоҳин дар маркази ноҳия, инчунин Муассисаи таҳсилоти миёнаи умумии №10 дар деҳаи Тудани ҷамоати Шурообод барои 720 хонанда сохта мешаванд. Дар назар аст, ки ин иншоот соли 2024 ба истифода дода шаванд.
Ба муносибати 35 – солагии Истиқлоли давлатии Ҷумҳурии Тоҷикистон дар ҳудуди ноҳияи Шамсиддини Шоҳин бунёди 216 иншооти ҷашнӣ ба нақша гирифта шудааст.
Соли 2023 дар ноҳия 67 иншоот мавриди истифода қарор дода шуд, ки яке аз он корхонаи коркарди хишти пухта мебошад. Дар ин корхона 50 ҷойи кор ба истифода дода шудааст.
АКС: АМИТ «Ховар»
Соли 2025 варзишгарони Тоҷикистон аз мусобиқаҳои сатҳи байналмилалӣ 510 медал ба даст оварданд
Паралимпичиёни тоҷик бо 22 медал дар Ҷоми ҷаҳон оид ба армрестлинг ва пара-армрестлинг байни 25 давлат дар зинаи дуюм қарор гирифтанд
НИШАСТИ МАТБУОТӢ. Соли 2025 дар Тоҷикистон беш аз 11 ҳазор иншооти варзишӣ фаъолияти пурсамар намуданд
ФУТБОЛ. 5 феврал қуръакашии тақвими чемпионати Тоҷикистон-2026 баргузор мешавад
НИШАСТИ МАТБУОТӢ. Бахшида ба 35-солагии Истиқлоли давлатӣ дар Сангвор 100 иншоот ба истифода дода мешавад
Варзишгарони Тоҷикистон дар Ҷоми ҷаҳон оид ба армрестлинг ва пара-армрестлинг 22 медал ба даст оварданд
Дар Донишгоҳи давлатии Кӯлоб оид ба таҳкими ватандӯстӣ ва худшиносии миллӣ ҳамоиш доир шуд
НИШАСТИ МАТБУОТӢ. Нақшаи чорабиниҳои 35-солагии Истиқлоли давлатӣ дар ноҳияи Фирдавсӣ 77 фоиз иҷро шуд
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
Дастаи мунтахаби наврасони Тоҷикистон (U-17) оид ба футбол бо ҳамтоёнаш аз Ҳиндустон бозии дӯстона анҷом дод
Шаҳром Самиев фаъолияташро дар бошгоҳи футболи «Ал-Карма»-и Ироқ идома медиҳад
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ аз мусобиқаҳои ҷумҳуриявию байналмилалӣ 446 медал ба даст оварданд
