35-СОЛАГИИ ИСТИҚЛОЛИ ДАВЛАТӢ. Дар шаҳраки Ганҷободи ноҳияи Мастчоҳ кӯдакистон бунёд мешавад
ДУШАНБЕ, 17.01.2024 /АМИТ «Ховар»/. Ба истиқболи ҷашни 35-солагии Истиқлоли давлатии Ҷумҳурии Тоҷикистон дар шаҳраки Ганҷободи Ҷамоати шаҳраки Суғдиёни ноҳияи Мастчоҳ сохтмони кӯдакистони замонавӣ оғоз гардид.
Тавре АМИТ «Ховар» бо истинод ба дафтари матбуоти Раиси ноҳияи Мастчоҳ хабар медиҳад, иншоот аз 2 ошёна ва таҳхона иборат буда, барои 8 гурӯҳ ва 240 нафар пешбинӣ шудааст.
Фармоишгар Идораи сохтмони асосии вилояти Суғд ва пудратчии он Ҷамъияти дорои масъулияти маҳдуди «Муҳандис» мебошанд.
Лоиҳаи бино бо назардошти талабот омода гардида, мувофиқи он ҳар гурӯҳ дорои утоқҳои алоҳидаи хобу истироҳат, машғулиятгузаронӣ, хӯрокхӯрӣ, дастшӯӣ ва либосивазкунӣ мебошад. Баробари ин, утоқҳои алоҳидаи таълимиву корӣ низ ҷой дода шуда, дар таҳхонаи он ду ҳавзи шиноварӣ ва дар саҳни он бунёди 8 айвон ба нақша гирифта шудааст.
Барои сохтмони иншоот беш аз 20 сохтмончӣ ба кор ҷалб шудааст.
Ҳоло дар ноҳияи Мастчоҳ 12 кӯдакистон фаъолият менамоянд, ки дар онҳо 1400 кӯдак ба тарбия фаро гирифта шудаанд.
АКС: дафтари матбуоти Раиси ноҳияи Мастчоҳ
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
Форуми ректорони муассисаҳои таҳсилоти олии Тоҷикистон ва Узбекистон баргузор шуд
Имрӯз Форуми сеюми ректорони муассисаҳои таҳсилоти олии Тоҷикистон ва Узбекистон баргузор мегардад
Даври якуми Озмуни ҷумҳуриявии «Шоҳномахонӣ» то 19 март идома меёбад
