Дар ноҳияи Ашт осоишгоҳи замонавӣ бунёд мегардад
ДУШАНБЕ, 13.01.2024. /АМИТ «Ховар»/. Дар доираи корҳои созандагиву бунёдӣ ба истиқболи 35-солагии Истиқлоли давлатии Ҷумҳурии Тоҷикистон бо ташаббуси соҳибкорон дар ноҳияи Ашти вилояти Суғд осоишгоҳи «Аксикон» бунёд мегардад, ки тибқи лоиҳа, корҳои сохтмонии он соли 2025 ба анҷом мерасанд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Дар назар аст, ки осоишгоҳ бо тамоми шароити замони муосир барои истироҳату табобати шаҳрвандон таъмин шавад. Зимни шиносоӣ бо ҷараёни корҳои сохтмонӣ Раиси вилояти Суғд барои татбиқи лоиҳа, воридсозии таҷҳизоти зарурӣ ва тибқи меъёрҳои байналмилалӣ омода намудани осоишгоҳ ба масъулин супоришҳо дод.
Тавре иттилоъ дода шуд, Мақомоти иҷроияи ҳокимияти давлатии ноҳияи Ашт ҷиҳати беҳтар намудани сатҳу сифати хизматрасонии тиббӣ ва дастрасии аҳолӣ ба он, бунёди беморхонаву марказҳои саломатӣ ва дигар иншооти тандурустӣ, навсозии муассисаҳои мавҷуда ва бо таҷҳизоти замонавӣ муҷаҳҳаз гардонидани онҳо мунтазам тадбир меандешад.
Дар ноҳия 61 муассисаи тиббӣ, аз ҷумла, 1 Беморхонаи марказии ноҳия бо 310 кати табобатӣ, 5 беморхонаи минтақавӣ бо 180 кати табобатӣ, 1 Маркази саломатии ноҳиявӣ, 18 маркази саломатии деҳот, 2 шифохонаи хусусӣ, 35 бунгоҳи саломатӣ ба аҳолии ноҳия хизмати тиббӣ мерасонанд.
Дар деҳаи Дулонаи Ҷамоати деҳоти Меҳробод сохтмони бинои нави Бунгоҳи саломатӣ аз тарафи соҳибкори маҳаллӣ ва сохтмони Бунгоҳи саломатӣ дар деҳаи Ашт идома дорад. Ҳамзамон якчанд таҷҳизоти замонавии тиббӣ харидорӣ ва ба муассисаҳои тиббӣ дастрас гардид.
АКС: Хадамоти матбуоти Раиси вилояти Суғд
Сарвари давлат Эмомалӣ Раҳмон бинои нави Раёсати Вазорати корҳои дохилии Ҷумҳурии Тоҷикистон дар шаҳри Душанберо мавриди истифода қарор доданд
Пешвои миллат Эмомалӣ Раҳмон бинои нави Дастаи алоҳидаи таъйиноти махсуси милитсия «Шоҳин»-и Раёсати Вазорати корҳои дохилӣ дар шаҳри Душанберо ифтитоҳ намуданд
Бахшида ба Рӯзи кормандони тандурустии Тоҷикистон ҷаласаи тантанавӣ баргузор гардид
ОМОДАГӢ БА СОЛИ НАВИ ТАҲСИЛ. Дар ноҳияи Рӯдакӣ 4 бинои асосию иловагии муассисаҳои таълимӣ ба истифода дода мешавад
ИМРӮЗ — РӮЗИ КОРМАНДОНИ СОҲАИ ТИБ. Дар Тоҷикистон 5254 муассисаи тиббӣ фаъолият менамояд
ИСТИҚЛОЛИЯТ-КАЛИДИ СОҲИБДАВЛАТӢ ВА ВАТАНПАРАСТИИ МИЛЛАТИ СОҲИБФАРҲАНГИ ТОҶИК. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба ин неъмати бебаҳо
ОМОДАГӢ БА СОЛИ НАВИ ТАҲСИЛ. Дар Кӯшониён бинои иловагии мактаб барои 400 хонанда ба истифода дода шуд
ОМОДАГӢ БА СОЛИ НАВИ ТАҲСИЛ. Хобгоҳи Коллеҷи омӯзгории шаҳри Бохтар пурра таъмир гардид
Дар ноҳияи Кӯшониён Маркази саломатӣ ифтитоҳ гардид
Дар Душанбе Форуми дуюми байналмилалӣ оид ба масъалаҳои маъюбӣ доир гардид
Дар ноҳияи Айнӣ оид ба пешгирии истифодаи ғайриқонунии неруи барқ вохӯрӣ баргузор шуд
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
