Дар ноҳияи Рашт ғолибони даври ҷумҳуриявии озмуни «Илм- фурӯғи маърифат» қадрдонӣ шуданд
РАШТ, 18.01.2024 /АМИТ «Ховар»/. Дар Мақомоти иҷроияи ҳокимияти давлатии ноҳияи Рашт маросими қадрдонии ғолибони даври ҷумҳуриявии озмуни «Илм- фурӯғи маърифат» ва омӯзгороне, ки дар таълиму тарбияи насли наврас саҳми бориз доранд, доир гардид. Дар ин хусус ба хабарнигори АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Рашт иттилоъ доданд.
Дар ҳамоиш роҳбарияти ноҳияи Рашт хонандаи Муассисаи таҳсилоти миёнаи умумии №52-и ноҳия Гулноз Азизоваро, ки дар даври ҷумҳуриявии озмуни «Илм- фурӯғи маърифат» дар соли 2023 ҷойи 2-юмро ишғол намуд, бо маблағи 1500 сомонӣ қадрдонӣ намуданд. Ҳамчунин иштирокдорони фаъоли озмун, муаллимон ва волидони онҳо бо маблағҳои пулӣ ва ифтихорномаҳо қадрдонӣ шуданд.
Дар ҷамъомад изҳор гардид, ки иқдоми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба баргузории озмунҳо дар саросари мамлакат ҳаводорони зиёд пайдо намуд. Он ҳамчунин дар муаррифии чеҳраҳои китобхон, донишманд, суханвар ва эҷодкор нақши асосӣ мегузорад.
Мардуми шарифи Тоҷикистон, падару модарон, хонандагону омӯзгорон, донишҷӯёну намояндагони гуногункасб тамоми неруи зеҳниашонро ба дастгирии ташаббусҳои неки Пешвои миллат равона сохта, дар чор зинаи озмун донишу маҳорати худро муаррифӣ намуданд.
Озмунҳое, ки таҳти сарпарастии Президенти Тоҷикистон муҳтарам Эмомалӣ Раҳмон баргузор шуданд, бори дигар исбот менамоянд, ки мардуми тоҷик таърихан миллати фарҳангдӯст, соҳибкитоб ва тамаддунофар мебошад. Пайравӣ намудан ба гузаштаи пурифтихор ва рӯ овардан ба китобхонӣ дар замони муосир барои ҳамагон зарур ва ҳатмӣ мебошад.
Маҳз тавассути мутолиаи китоб инсон барои худ ҷаҳонро кашф намуда, муҳити маънавиашро ғанӣ мегардонад. Хондани китоб дар ҷавонӣ -ин нақш дар санг аст. Аз ин рӯ, аз ҳоло бояд барои китобхонии фарзандонамон шароит муҳайё созем, то дар оянда мавқеи худро дар ҷомеа ёфта тавонанд.
АКС: Мақомоти иҷроияи ҳокимияти давлатии ноҳияи Рашт
Имрӯз даври якуми Озмуни ҷумҳуриявии «Фурӯғи субҳи доноӣ китоб аст» ҷамъбаст мегардад
Ҷаласаи комиссияи Озмуни ҷумҳуриявии «Тоҷикистон — Ватани азизи ман» дар соли 2026 баргузор гардид
Дар Коллеҷи технологӣ-фарматсевтии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
54 донишҷӯи Донишгоҳи давлатии Кӯлоб ба даври муассисавии Озмуни ҷумҳуриявии «Фурӯғи субҳи доноӣ китоб аст» роҳхат гирифт
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Дар Хатлон барои баргузории даври вилоятии озмунҳои ҷумҳуриявӣ беш аз 2 миллион сомонӣ ҷудо гардид
«ФУРӮҒИ СУБҲИ ДОНОӢ КИТОБ АСТ». Дар Коллеҷи омӯзгории ба номи Хосият Махсумова даври муассисавии озмун оғоз гардид
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар муассисаҳои таълимии ноҳияи Данғара даври аввали (муассисавии) Озмуни ҷумҳуриявии «Фурӯғи субҳи доноӣ китоб аст» оғоз шуд
Дар Осорхонаи миллӣ дастовардҳои ғолибони озмуни «Тоҷикистон — Ватани азизи ман» ба намоиш гузошта шуд
«ИЛМ-ФУРӮҒИ МАЪРИФАТ». Бо мақсади шаффофият ва дақиқияти холҳои ғолибон портали электронӣ таъсис дода шуд
