Дар Суғд масъалаи истифода аз панелҳои офтобӣ барои корхонаҳои саноатиро баррасӣ намуданд
ДУШАНБЕ, 27.01.2024 /АМИТ «Ховар»/. Зимни мулоқоти Раиси вилояти Суғд Раҷаббой Аҳмадзода бо намояндаи ширкати «Стейт инвестмент групп компани» Иля-Ванг Тинг Дан масъалаи татбиқи ҳамкорӣ ва воридсозии таҷҳизоти муосир, истеҳсоли энергияи «сабз» бо истифода аз панелҳои офтобӣ барои корхонаҳои саноатӣ баррасӣ гардид. Дар ин хусус ба АМИТ «Ховар» дар Хадамоти матбуоти Раиси вилояти Суғд иттилоъ доданд.
Раиси вилоят иброз дошт, ки дар Ҷумҳурии Тоҷикистон ба рушди соҳаи саноат таваҷҷуҳи хосса зоҳир гардида, аз ҷониби Президенти Ҷумҳурии Тоҷикистон муҳтарам Эмомалӣ Раҳмон саноатикунонии мамлакат ҳадафи стратегӣ эълон шудааст. Бо назардошти ин ҷиҳати бунёди корхонаҳои нави саноатӣ тадбирҳои зарурӣ амалӣ гардида, ҳамасола садҳо корхонаҳои нав сохта мешаванд. Дар айни замон дар вилоят беш аз 1100 корхонаи саноатӣ фаъолият дошта, талаботи корхонаҳо ба неруи барқ сол аз сол зиёд мегардад.
Бо назардошти ин воридсозии таҷҳизоти замонавӣ ва муосир имкон медиҳад, ки энергияи «сабз» истеҳсол ва истифодаи сарфакоронаи неруи барқ таъмин гардад.
Намояндаи ширкати «Стейт инвестмент групп компани» Иля-Ванг Тинг Дан доир ба хизматрасонии ширкат маълумот дода, омодагии ширкатро барои амалӣ намудани ҳамкорӣ дар самти истифодаи панелҳои офтобӣ иброз намуд.
АКС: Хадамоти матбуоти Раиси вилояти Суғд
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
