Дар Тоҷикистон ҳуҷҷатҳои банақшагирии стратегии сатҳи миллӣ, соҳавӣ ва маҳаллӣ мавриди амал қарор доранд

Январь 2, 2024 14:26

ДУШАНБЕ, 02.01.2024 /АМИТ «Ховар»/. Барои таъмини иҷрои ҳадаф ва афзалияти стратегӣ ҳоло дар мамлакат ҳуҷҷатҳои банақшагирии стратегии сатҳи миллӣ, соҳавӣ ва маҳаллӣ мавриди амал қарор доранд, ки тибқи Нақшаи Гурӯҳи корӣ дар соли 2023 ҷараёни иҷрои 26 барномаи соҳавӣ ва минтақавӣ бояд мониторинг ва арзёбӣ гардида, вобаста ба ҳолати иҷрои онҳо ба Ҳукумати Ҷумҳурии Тоҷикистон гузоришҳои муфассал ирсол шаванд. Дар ин хусус зимни баргузории ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ иттилоъ дода шуд.

Тавре дар Вазорати рушди иқтисод ва савдои ҷумҳурӣ ба АМИТ «Ховар» хабар доданд, дар ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ муовини якуми Вазири рушди иқтисод ва савдо, муовинони вазорату идораҳои аъзо ва ҳисоботдиҳанда, мақомоти иҷроияи ҳокимияти давлатии маҳаллии ҳисоботдиҳанда ва намояндагони дигар ҷонибҳои дахлдор иштирок намуданд.

Дар ҷаласа раванди иҷрои 10 ҳуҷҷати банақшагирии стратегӣ мавриди баррасӣ қарор гирифта, ҷиҳати ҳолати иҷрои онҳо аз ҷониби вазоратҳои кишоварзӣ, рушди иқтисод ва савдо, маориф ва илм, тандурустӣ ва ҳифзи иҷтимоии аҳолӣ, фарҳанг ва Агентии беҳдошти замин ва обёрии назди Ҳукумати Ҷумҳурии Тоҷикистон, Саридораи геологияи назди Ҳукумати Ҷумҳурии Тоҷикистон, Академияи миллии илмҳои Тоҷикистон ва Мақомоти иҷроияи ҳокимияти давлатии шаҳри Кӯлоб гузориш ва рӯнамоҳо пешниҳод гардиданд.

Вобаста ба ин дар ҷаласа иҷрои барномаҳои рушди соҳавӣ ва маҳаллӣ аз рӯи лоиҳаҳои банақшагирифта, сарчашмаҳои маблағгузорӣ, нишондиҳандаҳои соҳавӣ ва мушкилоти бавуҷудомада дар раванди татбиқи онҳо мониторинг ва арзёбӣ гардид.

Дар охири ҷаласа вобаста ба такмил додани супоришҳои пешниҳодгардида ва нишондиҳандаҳои он қарорҳои дахлдор қабул шуд.

АКС: Вазорати рушди иқтисод ва савдои Ҷумҳурии Тоҷикистон

 

 

Январь 2, 2024 14:26

Хабарҳои дигари ин бахш

Ҷаласаи 21-уми Комиссияи байниҳукуматии Тоҷикистону Русия баргузор гардид
Тақвияти ҳамкории Бонки миллии Тоҷикистон бо ширкати «Al Fardan Exchange» баррасӣ карда шуд
Ҳамкорӣ дар раванди таҳияи «Барномаи нави кишварӣ барои солҳои 2026-2030» баррасӣ карда шуд
Исломиддин Раҳмон дар ҳамоиши Кумитаи байналмилалии вазну ченак дар Тошканд иштирок намуд
Дар Душанбе ҷаласаи 81-уми Шурои роҳбарони хадамоти гумруки кишварҳои аъзои ИДМ доир гардид
Дар кишварҳои аъзои Иттиҳоди Давлатҳои Мустақил барӯйхатгирии аҳолӣ гузаронида мешавад
Парки саноатии муштараки Тоҷикистону Русия таъсис дода мешавад
Таҳкими ҳамкории «Амонатбонк» бо Бонки давлатии рушди Чин дар Сиан баррасӣ гардид
Ҳайати Тоҷикистон дар муҳокимаи масъалаҳои муҳими иқтисодию молиявӣ дар доираи ИДМ иштирок намуд
Ҷаласаи 21-уми Шурои ҳамоҳангсози байнидавлатии роҳбарони мақомоти назорати суғуртавии ИДМ доир шуд
Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст мегардад
Таҳкими ҳамкории гумрукӣ дар ҷаласаи коршиносони Шурои роҳбарони хадамоти гумруки ИДМ баррасӣ гардид