Дар Тоҷикобод ва Рашт иди Садаро бо шаҳомати хосса таҷлил намуданд
ТОҶИКОБОД, 25.01.2024 /АМИТ «Ховар»/. Дар ноҳияҳои Тоҷикободу Рашт иди Сада бо риояи суннатҳои аҷдодӣ ва шукуҳу шаҳомати зиёд таҷлил гардид. Фаъолону кишоварзон ва дигар сокинон дар макони баргузории ин чорабиниҳо гулхан афрӯхта, дар атрофи он шодиву хурсандӣ намуда, омодагии худро ба давраи муҳайё сохтани шароит барои кишту кори баҳорӣ нишон доданд. Дар ин хусус хабарнигори минтақавии АМИТ «Ховар» Субҳониддини Маҳмуд иттилоъ додааст.
Таҷлили расмии Сада далели он аст, ки мардуми шарафманди ин ноҳияҳо дар партави сиёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯ ба арзишҳои гузаштаи фарҳангӣ оварда, эҳёи онҳоро вазифаи асосиашон медонанд. Аз ин хотир, анъанаву расму оин ва фарҳанги ғании мардуми тоҷик, ки аз қадимулайём бо замин сару кор дошта, соҳиби маданияти баланди заминдорӣ будааст, то имрӯз зинда боқӣ монда, ҳамчун ҷузъи таркибии тамаддуни умумибашарӣ барои инсоният хизмат менамояд.
Сада аз қадимтарин ҷашнҳои мардуми тоҷик ба ҳисоб рафта, бо шарофати Истиқлоли давлатии Ҷумҳурии Тоҷикистон аз нав эҳё гардида, ҳамасола бо шукуҳу шаҳомати хосса гузаронида мешавад. Аз ҷумла, дар ин ҷашни таърихӣ намоишгоҳҳои идона, ки аз маҳсулоти кишоварзӣ, ниҳол, гулу буттаҳо, тухмии зироати кишоварзӣ, олоти меҳнати марди деҳқон, маҳсулоти ҳунарҳои мардумӣ ва анвои гуногуни хӯрокҳои миллӣ иборат мебошанд, доир шуда, аз меҳнати содиқонаву софдилонаи кишоварзони ноҳияҳои Рашту Тоҷикобод дарак медиҳанд.
Сада ҳамчун иди касбии кишоварзон ба ҳукми анъана даромадааст. Таҷлили расмии ин ҷашн далели он аст, ки миллати куҳанбунёди мо дар партави сиёсати Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба арзишҳои гузаштаи фарҳангӣ рӯ овардаю эҳёи онҳоро вазифаи бошараф медонад. Ҷашни Сада ифодаи пайванди зиндагии инсонҳо бо табиат буда, давраи омодагӣ ба истиқболи баҳору Наврӯз, инчунин омодагӣ ба кишту кори баҳорӣ ва дигар корҳои кишоварзӣ маҳсуб мешавад.
АКС: Мақомоти иҷроияи ҳокимияти давлатии ноҳияҳои Рашт ва Тоҷикобод
Рӯзи фарҳанги вилояти Хатлон бо шукуҳу шаҳомати хос баргузор гардид
Таҳти унвони «Нақши китобхонаҳои шахсӣ дар рушди китобдории миллати тоҷик дар замони ҷаҳонишавӣ» ҳамоиш доир шуд
Пагоҳ дар Душанбе Рӯзи фарҳанги вилояти Хатлон баргузор мешавад
Соли 2027 дар Тоҷикистон Рӯзҳои фарҳанги Покистон баргузор мегарданд
«АЗ СУЛҲИ ТОҶИКОН ТО СУЛҲИ ҶАҲОН». Таҳти чунин унвон дар Душанбе конфронси илмӣ-амалӣ доир шуд
«Барномаи рушди мактабҳои бачагонаи мусиқӣ, рассомӣ, санъат ва мактаб-интернатҳои миёнаи махсуси ҷумҳуриявии мусиқӣ ва санъат дар Ҷумҳурии Тоҷикистон барои солҳои 2027-2031» қабул гардид
Аз ҳудуди ноҳияи Данғара ёдгории нодири меъмории мансуб ба асрҳои IX–XII ёфт гардид
Дар Душанбе бахшида ба 35-солагии Истиқлолияти давлатӣ ҳамоиши тантанавӣ баргузор гардид
29 август дар Душанбе Рӯзи фарҳанги вилояти Хатлон баргузор мешавад
«ЯК МЕРОС, ДУ САРЗАМИН». Намоишгоҳи муштараки маҷозии Тоҷикистон ва Эрон ифтитоҳ ёфт
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
