ИМЗОИ ЁДДОШТИ ТАФОҲУМ. Вазорати рушди иқтисод ва савдои Тоҷикистон бо Мақомоти минтақаҳои озоди Қатар ҳамкории мутақобилан судманд менамояд
ДУШАНБЕ, 24.01.2024 /АМИТ «Ховар»/. Бо эътирофи аҳамияти рушди ҳамкорӣ байни минтақаҳои озоди Ҷумҳурии Тоҷикистону Қатар ва бо мақсади таҳкими ҳамкории мутақобилан судманд, инчунин мусоидат ба табодули таҷриба дар Давҳа Ёддошти тафоҳум байни Вазорати рушди иқтисод ва савдои Ҷумҳурии Тоҷикистон ва Мақомоти минтақаҳои озоди Қатар ба имзо расид, хабар медиҳад АМИТ «Ховар» бо истинод ба Вазорати рушди иқтисод ва савдои мамлакат.
Санад дар доираи сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Давлати Қатар ва мулоқоту музокироти сатҳи олии Тоҷикистон ва Қатар ба имзо расид.
Ба имзо расидани ин санад имкон фароҳам меорад, ки ҳамкории мутақобилан судманд густариш ёфта, нақши назарраси минтақаҳои озод дар баланд бардоштани бартарияти рақобатнокии корхонаҳо ва давлатҳо дар ҳавасмандгардонии рушди иқтисодӣ ва иҷтимоӣ ва мусоидат ба ҳамкории мутақобила дар соҳаҳои иқтисод, саноат, илму техника амалӣ шавад.
Ҳадафи Ёддошти тафоҳум бунёди заминаи умумии ҳамкории минтақаҳои озоди ҳарду давлат мебошад. Дар доираи ин санад тарафҳо мубодила ва ҳамкориро байни минтақаҳои озоди иқтисодӣ, аз ҷумла бо маҳдуд нагардидан бо татбиқи мубодилаи таҷриба дар самти ҷалби сармоя ба минтақаҳои озоди иқтисодӣ, ташкили сафарҳои мутақобил ба минтақаҳои озоди иқтисодӣ, табодули иттилоот дар самти баланд бардоштани иқтидори кормандони минтақаҳои озоди иқтисодӣ, мусоидат ба ҳамкории тарафҳо дар самти ҷалби сармояи хориҷӣ ва таъсиси корхонаҳои муштарак дар минтақаҳои озоди иқтисодӣ анҷом медиҳанд.
АКС: Вазорати рушди иқтисод ва савдои Ҷумҳурии Тоҷикистон
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
