Мудофиаи шаҳрвандии Исландия оташфишонии вулқонро ҳодисаи ҷиддитарин дар 51 соли охир мешуморад
ДУШАНБЕ, 15.01.2024 /АМИТ «Ховар»/. Фавворазании кунунии вулқон дар нимҷазираи Рейкянес дар Исландия аз моҳи январи соли 1973 ҳодисаи ҷиддитарин мебошад. Ин ақидаро сардори хадамоти мудофиаи шаҳрвандии Исландия Видир Рейниссон изҳор дошт. Дар ин хусус АМИТ «Ховар» бо истинод ба ТАСС хабар медиҳад.
«Мо таҷрибаи хеле таъсирбахши мубориза бо оқибатҳои чунин ҳодисаҳоро ҷамъ овардаем, гарчанде ки ин ҷиддитарин оташфишонии вулқон дар Исландия аз моҳи январи соли 1973 мебошад», — ишора намуд Рейниссон, ки инро ширкати телевизионии RUV иқтибос овардааст.
Тавре ки шабакаи телевизион ва радио иттилоъ медиҳад, дар шаҳри Гриндавик оби гарм ва барқ вуҷуд надорад. Се хонаи истиқоматӣ бо гудозаҳо (моддаҳои сӯзони вулқон) пӯшонида шудаанд, ки ҷараёни он ба якчанд бинои истиқоматӣ наздик шудааст.
Оташфишонии вулқон, ки дар нимҷазираи Рейкянес дар ҷанубу ғарби Исландия ҷойгир аст, субҳи 14 январ оғоз ёфт. Дар минтақа ҳолати фавқулода эълон шудааст. Тибқи маълумоти RUV, сокинони Гриндавик тахлия шудаанд.
Дар ҳудуди Исландия 33 макони вулқонии фаъол мавҷуд аст. Моҳи январи соли 1973 дар ҷазираи Хеймаэй дар архипелаги Вестманнаэйяр вулқоне фаввора зад, ки дар натиҷа шаҳри Хеймаэйро амалан хокистар фаро гирифт.
Азиза ИКРОМ,
АМИТ «Ховар»
АКС аз манбаъҳои боз
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
