ҶОМИ ОСИЁ-2023. Имрӯз дастаи мунтахаби Тоҷикистон бо тими миллии Чин рақобат менамояд

ДУШАНБЕ, 13.01.2023 /АМИТ «Ховар»/. Имрӯз, 13 январ дастаи мунтахаби Тоҷикистон оид ба футбол дар қисми финалии Ҷоми Осиё-2023, ки дар Қатар ҷараён дорад, дар гурӯҳи «А» бо дастаи мунтахаби Чин бозӣ менамояд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Бозӣ дар варзишгоҳи Абулло бин Халифаи Давҳа соати 17:30 ба вақти маҳаллӣ (соати 19:30 ба вақти Душанбе) оғоз мегардад.

Дастаи Петр Сегрт 17 январ дар даври дуюми марҳилаи гурӯҳӣ бо мизбони Ҷоми Осиё-2023 – тими миллии Қатар бозӣ анҷом медиҳад.

Дар даври сеюми марҳилаи гурӯҳии мусобиқот дастаи мунтахаби Тоҷикистон 22 январ бо дастаи яккачини Лубнон рақобат менамояд.

Бояд иброз намуд, ки аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.

АКС: Федератсияи футболи Тоҷикистон