«ПАЁМ, ҶАВОНОН ВА МАНФИАТҲОИ МИЛЛӢ». Дар Кумитаи кор бо ҷавонон ва варзиш дар ин мавзуъ ҳамоиш доир шуд
ДУШАНБЕ, 22.01.2024. /АМИТ «Ховар»/. Дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» доир ба дастгирии сиёсати давлатии ҷавон таваҷҷуҳи хосса зоҳир гардида, барои ин қишри ояндасози мамлакат як қатор имтиёзҳо пешбинӣ шуд. Зиёд гардидани стипендияҳои президентӣ низ аз ҳамин гуна дастгириҳо маҳсуб мешавад, таъкид гардид зимни ҳамоиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Дар рафти вохӯрӣ иброз гардид, ки ҷиҳати боло бурдани сатҳу сифати тарбияи наврасону ҷавонон бояд ба масъалаи баланд бардоштани ҳисси худшиносии миллӣ, ватандӯстиву ватанпарастӣ ва инсонпарварии онҳо таваҷҷуҳи аввалиндараҷа дода шавад.
Таъкид шуд, ки пешрафту шукуфоии Тоҷикистон аз ҷавонон вобастагии амиқ дорад, зеро онҳо неруи тавоно ва созандаи давлату миллат маҳсуб мешаванд. Вобаста ба ин зарур аст, ки ҷавонон масъулиятшиносу ташаббускор бошанд ва баҳри дар амал татбиқ намудани дастуру супоришҳои Президенти Ҷумҳурии Тоҷикистон кӯшиш ба харҷ диҳанд.
Ҳамзамон доир ба дастгирии давлатии ҷавонон зери роҳбарии Сарвари давлат муҳтарам Эмомалӣ Раҳмон, қабули санадҳои меъёриву ҳуқуқии танзимкунандаи марбут ба ҳаёти ҷавонон, муқаррар намудани имтиёз ва дигар тадбирҳо ба ин қишри ҷомеа, нақши ҷавонон дар тарғиби ғоя ва арзишҳои миллӣ, ҳимояи марзҳои муқаддаси Ватан, рушди босуботи иқтисодиву иҷтимоӣ ва амалӣ намудани нақшаву барномаҳои давлатдории навини миллӣ андешаронӣ карда шуд.
Аз ҷавонон ва варзишгарон ҷиҳати аз даст надодани зиракии сиёсӣ, аз бар намудани илму донишҳои замони муосир, баланд бардоштани ифтихори ватандӯстӣ, ваҳдату ҳамзистӣ, саҳмгузорӣ дар амалӣ намудани нақшаву барномаҳои давлатӣ ба хотири вусъати корҳои ободониву созандагӣ ба истиқболи ҷашнҳои бузурги миллӣ, аз ҷумла 35-солагии Истиқлоли давлатии Ҷумҳурии Тоҷикистон даъват ба амал оварда шуд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
МАОРИФ — ОМИЛИ КАЛИДИИ РУШДИ УСТУВОРИ ҶОМЕА. Дар ҳошияи Паёми Президенти Тоҷикистон ба Маҷлиси Олӣ
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
Раҳмон Исломиддин: «Таҳкими худшиносиву худогоҳии миллӣ омили асосии пойдории давлат ва рушди ҷомеа мебошад»
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
