Сарвари давлат аз вазъи сифати таҳсил дар муассисаҳои таълимӣ изҳори нигаронӣ намуданд
ДУШАНБЕ, 25.01.2024. /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон 24 январ зимни баргузории маҷлиси васеи Ҳукумати Ҷумҳурии Тоҷикистон аз вазъи сифати таҳсил дар муассисаҳои таҳсилоти миёнаи умумӣ, ибтидоӣ ва миёнаи касбӣ изҳори нигаронӣ намуданд.
«Таҳлилҳо нишон медиҳанд, ки сифати таҳсил дар муассисаҳои таҳсилоти миёнаи умумӣ ба 33,4 фоиз, ибтидоӣ ва миёнаи касбӣ ба 39,8 ва олии касбӣ ба 40,3 фоиз баробар аст», -изҳор намуданд Президенти Тоҷикистон.
Ба гуфтаи Сарвари давлат, ин нишондиҳандаҳо ба талаботи меъёрҳои муайяншудаи байналмилалӣ ҷавобгӯ нестанд. Зеро тибқи стандартҳо, агар нишондиҳандаи сифати таҳсил то 50 фоизро ташкил диҳад, он ғайриқаноатбахш ҳисобида мешавад.
«Дар чунин ҳолат омода намудани мутахассисони баландпояи ҷавобгӯ ба талаботи имрӯзаи бозори меҳнати дохиливу хориҷӣ, инчунин тайёркунӣ ва азнавтайёркунии кадрҳои илмиву педагогӣ ғайриимкон мебошад», -изҳор доштанд муҳтарам Эмомалӣ Раҳмон.
Бо ин мақсад Роҳбари давлат ба роҳбарону масъулини соҳа дастур доданд, ки дар ин самт тадбирҳои таъхирнопазир андешанд.
«Аз ин лиҳоз, Вазорати маориф ва илм, Кумита оид ба таҳсилоти ибтидоӣ ва миёнаи касбӣ, Агентии назорат дар соҳаи маориф ва вазорату идораҳои марбута бояд фаъолиятро дар самти баланд бардоштани сифати таҳсил дар муассисаҳои ҳамаи зинаҳои таҳсил вусъат дода, доир ба мунтазам гузаронидани мониторинги сифати таълим чораҷӯйӣ намоянд», — таъкид намуданд Президенти Ҷумҳурии Тоҷикистон.
АКС аз бойгонӣ
Дар вилоятҳои Хатлон ва Суғд донишкадаҳои байналмилалии Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» таъсис меёбанд
САМАРИ ВАҲДАТИ МИЛЛӢ-БУНЁДИ САДҲО МУАССИСАҲОИ МУОСИРИ ТАЪЛИМӢ! Маълумот дар бораи дастовардҳои соҳаи маориф дар шаҳри Душанбе
Байни Кумита оид ба таҳсилоти ибтидоӣ ва миёнаи касбии Тоҷикистон ва Донишгоҳи давлатии омӯзгории Олтойи Русия шартномаи ҳамкорӣ ба имзо расид
Дар Душанбе бо намояндагони ваколатдори Маркази миллии тестӣ ва роҳбарони марказҳои имтиҳонӣ вохӯрӣ доир гардид
Дар Тоҷикистон 11 стратегияву, консепсия ва барномаҳои давлатӣ дар соҳаи маориф амалӣ мегарданд
ҶАВОНОН — ПАЙРАВОНИ ПЕШВОИ МИЛЛАТ. Дар Хоруғ ҳамоиши гирандагони стипендияи президентӣ баргузор шуд
«МАКТАБИ ВАҲДАТОФАРИИ ПЕШВОИ МИЛЛАТ». Дар Донишгоҳи миллии Тоҷикистон ҳамоиши ҷумҳуриявии илмӣ – назарияӣ баргузор шуд
«Ваҳдати миллӣ — таҳкурсии боэътимоди пешрафту ободӣ», — бардошт аз ҳамоиш дар Донишгоҳи технологии Тоҷикистон
ВАҲДАТИ МИЛЛӢ — ОМИЛИ АСОСИИ РУШДИ ТОҶИКИСТОН. Дар Донишгоҳи давлатии Хоруғ ҳамоиши ҷумҳуриявӣ доир гардид
НОРАСОИИ КИТОБҲОИ ДАРСӢ. Ин масъала дар машварати Вазорати маориф ва илми Ҷумҳурии Тоҷикистон мавриди баррасӣ қарор гирифт
Дар шаҳри Бохтар ҷиҳати беҳтар ба роҳ мондани корҳои илмиву таҳқиқотӣ ҷаласа доир шуд
Дар Донишгоҳи давлатии Кӯлоб бахшида ба Рӯзи Ваҳдати миллӣ ҳамоиш баргузор шуд
