СОЛҲОИ РУШДИ САНОАТ. Дар ноҳияи Ҷалолиддини Балхӣ корхонаи истеҳсоли қанди сафед ба истифода дода шуд
ДУШАНБЕ, 17.01.2024. /АМИТ «Ховар»/. Дар доираи Солҳои рушди саноат (2022-2026) дар ноҳияи Ҷалолиддини Балхӣ корхонаи истеҳсоли қанди сафед мавриди баҳрабардорӣ қарор дода шуд. Дар ин хусус ба АМИТ «Ховар» дар Мақомоти иҷроияи ҳокимияти давлатии вилояти Хатлон хабар доданд.
Ин корхона бо ибтикори соҳибкори ҷавон Рустам Мӯсоев дар деҳаи Деҳқонободи Ҷамоати деҳоти «Калинин» бунёд гардидааст.
Таҷҳизоти қандбарорӣ аз Ҷумҳурии Туркия оварда шуда, дар он дар як шабонарӯз то 10 тонна қанди сафед истеҳсол мегардад.
Бунёди чунин коргоҳҳо ба паст гардидани сатҳи бекорӣ ва баланд бардоштани сифати зиндагии сокинон мусоидат менамояд.
Бояд гуфт, ки бо назардошти аҳаммияти бузурги соҳаи саноат дар рушди минбаъдаи мамлакат солҳои 2022 – 2026 Солҳои рушди саноат эълон гардидаанд. Натиҷаи ин аст, ки соли 2023 ҳаҷми истеҳсоли маҳсулоти саноатӣ нисбат ба соли 1992 4,6 баробар афзуда, ба зиёда аз 46 миллиард сомонӣ расонида шуд, ки ин нишондиҳанда танҳо дар ҳафт соли охир 2,4 баробар зиёд гардид.
Имрӯзҳо саноати ватанӣ ҳамчун неруи азими пешбаранда дар рушди иқтисоди миллӣ нақши калидӣ дошта, дар ин самт ҳамарӯза дар ҷумҳурӣ корхонаҳои хурду бузург барои рушди низоми инноватсионии саноати миллӣ ва тақвияти иқтидори содиротии мамлакат мавриди баҳрабардорӣ қарор мегиранд. Сиёсати созанда ва амалӣ гардидани нақшаву барномаҳои ин соҳа сабаб гардид, ки ҷиҳати таъмини гуногуншаклии истеҳсолоти ба содирот нигаронида давоми солҳои соҳибистиқлолӣ дар ҷумҳурӣ корхонаҳои зиёди саноатӣ бо ҳазорон ҷойи кор мавриди истифода қарор гирифтанд.
АКС: Мақомоти иҷроияи ҳокимияти давлатии вилояти Хатлон
Дар Душанбе «Лоиҳаи асосҳои рақамикунонии Тоҷикистон» муаррифӣ карда шуд
Тавсеаи ҳамкории Бонки миллии Тоҷикистон бо «Numisma Bank»-и Амрико баррасӣ шуд
Дар Душанбе ҷаласаи Шурои байниҳукуматии лоиҳаи «CASA-1000» баргузор гардид
Дурнамои ҳамкории Тоҷикистон ва Кувайт дар самтҳои иқтисод, тиҷорат ва сармоягузорӣ баррасӣ шуд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
Дар Душанбе масъалаи омодагӣ ба ҷаласаҳои солонаи Бонки исломии рушд баррасӣ гардид
Озмуни «Ташкилоти қарзии молиявии беҳтарин оид ба хизматрасонии занони соҳибкор» ҷамъбаст шуд
Тоҷикистон ва Ҷопон ҳамкориро дар соҳаи энергетика ва захираҳои об тақвият медиҳанд
Масъалаҳои марбут ба тақвияти ҳамкорӣ дар самти ҷалби маблағҳои имтиёзноки иқлимӣ баррасӣ гардиданд
«ТАМҒАИ ПИСАНДИДАИ ТОҶИКИСТОН-2025». Дар ин намоишгоҳ маҳсулоти 32 ширкату корхонаи ватанӣ муаррифӣ карда мешавад
