Соли 2023 дар Душанбе 9685 нафар ба сафи Ҳизби Халқии Демократии Тоҷикистон қабул гардид

Январь 16, 2024 15:30

ДУШАНБЕ, 16.01.2024 /АМИТ «Ховар»/. Соли 2023 дар шаҳри Душанбе 9685 нафар ба сафи Ҳизби Халқии Демократии Тоҷикистон қабул гардида, 61 ташкилоти ибтидоии ҳизбӣ таъсис дода шуд. Дар ин хусус дар маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе, ки имрӯз баргузор гардид, маълумот дода шуд, хабар медиҳад АМИТ «Ховар».

Иброз гардид, ки ҳоло шумораи аъзои Ҳизби Халқии Демократии Тоҷикистон дар шаҳри Душанбе 82 536 нафар мебошад, ки онҳо дар 994 ташкилоти ибтидоии ҳизбӣ муттаҳид шудаанд.

Таъкид гардид, ки ташкилоти ҳизбии пойтахт дар доираи ҳидоятҳои Раиси муаззами ҳизб муҳтарам Эмомалӣ Раҳмон ва муроҷиатномаҳои Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷиҳати ба «Шаҳри сабз» ва «Шаҳри гулрез» табдил додани шаҳри Душанбе, саҳмгузорӣ дар корҳои ободонию созандагӣ ва сабзазоркунии пойтахт 8075 бех ниҳоли ороишиву сояафкан шинониданд.

«Вобаста ба ташвиқу тарғиби нуктаҳои Паёми Президенти Ҷумҳурии Тоҷикистон ба Маҷлиси Олӣ, қонунҳои миллӣ, ташаббусҳои ҷаҳонии Тоҷикистон, ҳадафҳои оинномавию барномавии ҳизб, фарҳанги шаҳрнишинӣ, пешгирии  ҷавонон аз шомилшавӣ ба гурӯҳҳои ифротӣ сохторҳои шаҳрии ҳизб байни сокинон 17 201 мулоқоту суҳбат, хониши сиёсӣ ва силсилаи чорабиниҳои иттилоотиву фаҳмондадиҳӣ баргузор намуданд», — иброз шуд дар маҷлис.

Дар фарҷом аз рӯйи ҳамаи масъалаҳои баррасишуда қарорҳои далдор қабул гардиданд.

Ёдовар мешавем, ки дар маҷлис роҳбарияти Ҳизби Халқии Демократии Тоҷикистон, Кумитаи иҷроияи шаҳрии ҳизб, Мақомоти иҷроияи ҳокимияти давлатии шаҳри Душанбе, аъзои Кумитаи иҷроияи шаҳрии ҳизб, кормандони масъули кумитаҳои иҷроияи шаҳрӣ ва ноҳиявии ҳизб, раисони якчанд кумитаю ташкилоти ибтидоии ҳизбӣ ва намояндагони воситаҳои ахбори омма иштирок доштанд.

АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе

Январь 16, 2024 15:30

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд