«Сомон Эйр» минбаъд парвозҳоро аз Хуҷанд ба Дубай, Ҷидда ва Истанбул амалӣ менамояд
ДУШАНБЕ, 12.01.2024 /АМИТ «Ховар»/. Ширкати ҳавопаймоии «Сомон Эйр» парвозҳои байналмилалии мустақимро дар хатсайрҳои Хуҷанд-Дубай-Хуҷанд, Хуҷанд-Ҷидда-Хуҷанд ва Хуҷанд-Истанбул-Хуҷанд оғоз менамояд.
Парвозҳо аз Фурудгоҳи байналмилалии Хуҷанд ба Дубай шуруъ аз 4 феврали соли равон ҳафтае як маротиба- рӯзҳои якшанбе ба нақша гирифта шудаанд. Вақти парвоз аз Хуҷанд соати 20:10, самти баргашт — 00:10 (шаби душанбе) ба вақти маҳаллӣ мебошад.
Аз 6 феврал парвозҳо аз Хуҷанд ба Ҷидда ҳар ҳафта рӯзҳои сешанбе анҷом дода мешаванд. Вақти парвоз аз Хуҷанд соати 21:15, аз Ҷидда — 02:30 (шаби чоршанбе).
Парвози нахустин дар масири Хуҷанд-Истанбул-Хуҷанд 7 март доир шуда, парвозҳо рӯзҳои панҷшанбе амалӣ мегарданд. Вақти парвоз аз Хуҷанд соати 10:00, баргашт соати 15:15 ба вақти маҳаллӣ мебошад.
Инчунин ширкати ҳавопаймоии «Сомон Эйр» шуруъ аз 22 январ парвозҳоро аз Душанбе ба Алмато ҳафтае се маротиба — рӯзҳои душанбе, чоршанбе ва шанбе иҷро менамояд.
Ҳамчунин шуруъ аз 24 январ «Сомон Эйр» парвозҳоро аз Душанбе ба Тошканд дар як ҳафта то се парвоз зиёд менамояд. Ба ин тариқ, парвозҳо ба Тошканд рӯзҳои душанбе, чоршанбе ва ҷумъа анҷом дода мешаванд.
Тамоми парвозҳо тавассути ҳавопаймоҳои Boeing 737-800 ва Boeing 737-900 амалӣ мегарданд.
Ширкати ҳавопаймоии «Сомон Эйр» ҳоло парвозҳоро аз Тоҷикистон ба Олмон, Амороти Муттаҳидаи Араб, Туркия, Чин, Ҳиндустон, Арабистони Саудӣ, Эрон, Русия, Қазоқистон ва Узбекистон муваффақона анҷом медиҳад. Парки ширкат аз ҳавопаймоҳои Boeing 737-800 ва Boeing 737-900 иборат мебошад.
АКС аз манбаъҳои боз
Дар вилояти Суғд майдони боғоти мевадиҳанда васеъ мегардад
Имрӯз таҳти раёсати Сарвазири Ҷумҳурии Тоҷикистон маҷлиси умумии ғайринавбатии саҳмдорони ҶСК «НБО Роғун» баргузор гардид
Масъалаи зиёд намудани хатсайрҳои парвоз байни Тоҷикистон ва Чин баррасӣ шуд
Дар Тоҷикистон шабакаи ягонаи назорати рақамии вазни мошинҳои боркаш таъсис дода мешавад
Дар гармхонаи шаҳри Хоруғ зиёда аз 10 ҳазор кӯчати гул парвариш мешавад
Дар Тоҷикистон беш аз 200 ҳазор оилаи занбӯри асал парвариш меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
Бо ташаббуси Тоҷикистон дар қароргоҳи СММ чорабинии сатҳи баланд доир ба зеҳни сунъӣ баргузор шуд
Дар таъмини бехатарии парвозҳо дар ҳарими ҳавоии Тоҷикистон зан-метеорологҳо нақши муассир доранд
Масоили таҳкими ҳамкорӣ байни Тоҷикистон ва Русия дар соҳаи энергетика дар Москва баррасӣ гардид
Президенти Тоҷикистон: «53 ҳазор нафар занон роҳбарони хоҷагиҳои деҳқонӣ мебошанд»
Дар шаҳри Абузабӣ мулоқоти вазирони саноати Тоҷикистон ва Амороти Муттаҳидаи Араб доир шуд
