ТАҚВИМИ АМИТ «ХОВАР»: имрӯз 2 январ, сешанбе, 2-юмин рӯзи соли 2024 аст

Дар ин рӯзи соли 1925 дар ҳайати Тоҷикистон Вилояти Мухтори Кӯҳистони Бадахшон таъсис дода шуд.

***

2 январи соли 1992 Қазоқистон ба ҳайати Созмони амният ва ҳамкорӣ дар Аврупо шомил шуд.

***

2 январи соли 2015 Президенти Ҷумҳурии Тоҷикистон муҳтарам Эмомалӣ Раҳмон  қонунҳои Ҷумҳурии Тоҷикистон «Дар бораи назорати содирот» ва «Дар бораи хизмати дипломатӣ»-ро имзо намуданд.

***

2 январи соли 2016 Пешвои миллат муҳтарам Эмомалӣ Раҳмон ҷиҳати анҷоми сафари расмӣ ба Шоҳигарии Арабистони Саудӣ сафар намуданд.

***

2 январи соли 2018 ВАО хабар доданд, ки Тоҷикистон дар раддабандии нави Созмони байналмилалии «British Backpacker Society» оид ба имконияти туристӣ ба даҳгонаи беҳтарин шомил шуд.

***

Соли 2018  Қонуни Ҷумҳурии Тоҷикистон «Дар бораи мақоми пойтахти Ҷумҳурии Тоҷикистон» дар таҳрири нав қабул гардид.

 ***

2 январи соли 2019 дар шаҳри Исфара ду иншооти муҳими стратегӣ -Дидбонгоҳи сарҳадии «Хоҷаи Аъло» ва гузаргоҳи сарҳадии «Сурх» ифтитоҳ гардиданд.

 ***

2 январи соли 2020 аз ҷониби Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд қонунҳо ба имзо расонида шуданд.

 2 ЯНВАР ТАҶЛИЛ МЕГАРДАД:

Дар Иёлоти Муттаҳидаи Амрико — Рӯзи миллии муъҷизаҳои илмӣ.

ДАР ИН РӮЗ  ТАВАЛЛУД ШУДААСТ

Нуқра Раҳматова-соли  1942 -Ҳунарманди халқии Тоҷикистон