ТАҚВИМИ АМИТ «ХОВАР»: имрӯз 7 январ, якшанбе, 7-умин рӯзи соли 2024 аст

Дар ин рӯзи соли 1927 аввалин маротиба дар ҷаҳон алоқаи телефонии фароатлантӣ амалӣ шуда, Ню-Йоркро бо Лондон пайваст.

***

7 январи соли 1930 Қарори Шурои комиссарони халқии Тоҷикистон дар бораи баҳисобгирӣ ва ҳифзи ёдгориҳои таърихӣ ва фарҳангии ҷумҳурӣ қабул гардид.

***

7 январи соли 1956 Индонезия дар бораи баромадан аз ҳайати Созмони Милали Муттаҳид хабар дод.

***

Соли 1993 байни Ҷумҳурии Тоҷикистон ва Ҷумҳурии Қазоқистон муносиботи дипломатӣ барқарор шуданд.

***

22  сол пеш, 7 январи соли 2002 дар мулоқоти Президенти Ҷумҳурии Тоҷикистон муҳтарам Эмомалӣ Раҳмон бо ҳайати Сенати Конгресси ИМА масъалаҳои ҳамгироии Тоҷикистон ва Амрико дар доираи кӯшишҳои ҷомеаи ҷаҳонӣ ҷиҳати мусоидат ба ташаккули Афғонистони осуда ва расонидани кумаки башардӯстона ба мардуми он баррасӣ гардиданд.

***

9 сол пеш, 7 январи соли 2015 дар Париж дар идораи маҷаллаи ҳаҷвии «Шарли Эбдо» амали террористӣ ба амал омад ва дар натиҷаи ҳамлаҳои мусаллаҳонаи ҷангиён 12 нафар ба ҳалокат расида, 11 нафар ҷароҳат бардошт.

***

Дар ин рӯзи соли 2016 бо иштироки Сарвазири Тоҷикистон Қоҳир Расулзода баъди таъмир ва навсозӣ Маҷмааи лижаронию сайёҳии «Сафеддара» расман ба истифода дода шуд.

***

7 январи соли 2016 Федератсияи байналмилалии ассотсиатсияҳои футбол аввалин раддабандӣ — рейтинги дастаҳои миллиро нашр намуд. Дастаи мунтахаби Тоҷикистон чун дар раддабандии моҳи декабри соли 2015 мақоми худро нигоҳ дошта, бо гирифтани 196 хол  зинаи 148-умро касб намуд.

***

Соли 2016 дар Варзишгоҳи марказии ҷумҳуриявии шаҳри Душанбе дастаи футболи наврасони Тоҷикистон (U-22) дар доираи омодагиҳо ба мусобиқоти байналмилалии Ҷоми Иттиҳод – 2016  бо  чемпиони чоркаратаи Тоҷикистон – дастаи Истиқлоли Душанбе бозӣ анҷом дод.

7 ЯНВАР ТАҶЛИЛ МЕШАВАД:

Дар Либерия – Рӯзи пешравон.

ДАР ИН РӮЗ  ТАВАЛЛУД ШУДААНД:

Муқаддас Набиева- соли 1950, овозхони тоҷик, ҳунарпешаи хизматнишондодаи Тоҷикистон (1977)