Вазъият дар минтақаи офати табиӣ дар Олмон мураккаб боқӣ мемонад
ДУШАНБЕ, 05.01.2024 /АМИТ «Ховар»/. Вазъияти обхезӣ дар минтақаи Мансфелд-Зюдхартси Олмон ҳамоно пуршиддат аст.
Тавре АМИТ «Ховар» бо истинод ба АЗЕРТАҶ иттилоъ медиҳад, 4 январ сатҳи оби дарёи Ҳелме дар Беннунген 2,42 метрро ташкил дода, ба ин васила аз баландтарин дараҷаи хатари 4-ум гузашт. Чанде пеш аз оғози сол дар ин ноҳияи замини федералии Саксония-Анхалт ҳолати фавқулода эълон шуд. Дарёи Ҳелме дар баъзе ҷойҳо аз соҳилҳо берун омадааст. Аз обхезӣ дар ин минтақа шаҳрҳои Берга, Келбра ва Беннунген, инчунин ноҳияи Зангерҳаузен дар Оберрёблинген зарар дидаанд.
Дар дигар заминҳои федералӣ, бахусус дар Саксонияи Поёнӣ хадамоти наҷот чанд рӯз боз бо баланд шудани сатҳи об мубориза мебаранд. Вазъият дар якчанд ноҳияҳои Саксонияи Поёнӣ мураккаб боқӣ мемонад. Ноҳияҳои Тселле, Эмсланд, Остерхолтс, Ҳайдекрайс, Верден ва шаҳри Олденбург зарар дидаанд. Дар ин шаҳрдориҳо ҳолати фавқулода эълон шудааст.
Хусусияти вазъи кунунӣ дар он аст, ки обхезӣ дар бисёр дарёҳо ва ҷойҳо дар як вақт ба амал меояд.
Азиза ИКРОМ,
АМИТ «Ховар»
Акс: АЗЕРТАҶ
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
