Ҷаласаи 3-юми Комиссияи муштараки техникӣ оид ба ҳамкории сайёҳӣ байни Тоҷикистон ва Туркия доир шуд
ДУШАНБЕ, 06.02.2024 /АМИТ «Ховар»/. 6 феврал дар шаҳри Истанбули Туркия бо иштироки роҳбарияти Кумитаи рушди сайёҳии назди Ҳукумати Ҷумҳурии Тоҷикистон ва вазорати фарҳанг ва сайёҳии Ҷумҳурии Туркия ҷаласаи 3-юми Комиссияи муштараки техникӣ оид ба ҳамкории сайёҳӣ байни Тоҷикистон ва Туркия баргузор гардид. Дар ин хусус АМИТ «Ховар» бо истинод ба Кумитаи рушди сайёҳӣ хабар медиҳад.
Зимни ҷаласа ҷонибҳо маҷмуи масъалаҳои ҳамкории сайёҳии Тоҷикистон ва Туркияро мавриди баррасӣ қарор дода, рушди самтҳои гуногуни сайёҳӣ ва афзоиши шумораи сайёҳони тоҷику туркро муҳим арзёбӣ намуданд.
Аз натиҷаи ин ҷаласа санадҳои ҳамкорӣ, аз ҷумла Протокол ва Нақшаи амали он ба имзо расонида шуданд.
Ҳамзамон дар ҳошияи сафар ҳайати Тоҷикистон дар Агентии муаррифӣ ва рушди сайёҳӣ (TGA), Ассотсиатсияи ширкатҳои сайёҳӣ ва дигар сохторҳои давлатию тиҷоратии соҳаи сайёҳии Туркия бо роҳбарият мулоқот анҷом дод.
Зимни ҷаласаҳо оид ба сохтор ва фаъолияти ин ташкилот рӯнамоҳои дахлдор пешниҳод гардида, имконияти тақвияти ҳамкорӣ, аз ҷумла дар самти мубодилаи таҷриба байни ширкатҳои сайёҳии ду давлат баррасӣ шуд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Имрӯз дар Душанбе Фестивали картошка баргузор мегардад
Намояндагони вилояти Ленингради Русия бо корхонаҳои истеҳсолии Минтақаи озоди иқтисодии «Данғара» шинос шуданд
Дар Тоҷикистон Фестивали картошка баргузор мешавад
Тоҷикистон дорои иқтидори бузурги гидроэнергетикӣ мебошад
ИСТИФОДАИ САМАРАНОКИ ЗАМИН. Дар ноҳияи Фархор ҳамоиши илмию амалӣ доир шуд
ТУРИЗМ ДАР ШОҲРОҲИ АБРЕШИМ-2025. Дар намоишгоҳи байналмилалӣ имконоти сайёҳии Тоҷикистон муаррифӣ мегардад
Байни соҳибкорони вилоятҳои Хатлон ва Ленинград шартномаи ҳамкорӣ ба имзо расид
Дар Душанбе конференсияи байналмилалӣ баргузор гардид
Дар Фурудгоҳи байналмилалии Душанбе системаи таваққуфгоҳи автоматӣ ба роҳ монда шуд
Парвозҳои мунтазам дар хатсайри Киш – Душанбе – Киш оғоз гардиданд
Ҷаласаи Комиссияи муштараки байниҳукуматии Тоҷикистон ва Туркманистон баргузор мегардад
Дар Риёз вохӯрии Вазири саноат ва технологияҳои нави Тоҷикистон бо Директори генералии UNIDO баргузор шуд
