Ба рушди соҳаҳои парандапарварӣ ва моҳипарварӣ дар Тоҷикистон минбаъд низ имтиёз дода мешавад
ДУШАНБЕ, 03.02.2024 /АМИТ «Ховар»/. Бо дастгириҳои Ҳукумати мамлакат дар ҷумҳурӣ шуруъ аз соли 2018 то 31 декабри соли 2023 дар соҳаи парандапарварӣ ва моҳипарварӣ имтиёзҳо амалӣ шуданд, ки ин ба пешрафти соҳа таъсири мусбат гузошт. Дар давраи амали имтиёзҳо дар самти парандапарварӣ шумораи корхонаҳои соҳа афзоиш ёфта, воридоти гӯшти паранда, махсусан мурғ аз хориҷи ҷумҳурӣ кам гардида, шумораи корхонаҳои парандапарварӣ аз 65 ба 228 адад расонида шуд. Чунин изҳор намуд Вазири кишоварзии Ҷумҳурии Тоҷикистон Қурбон Ҳакимзода 1 феврал зимни нишасти матуботии ин ниҳод.
Ба гуфтаи Қурбон Ҳакимзода, рӯзҳои наздик, ки қарори Ҳукумати Ҷумҳурии Тоҷикистон оид ба додани имтиёз ба соҳаҳои парандапарварӣ ва моҳипарварӣ қабул карда мешавад.
Ҳамзамон Вазири кишоварзӣ иттилоъ дод, ки дар айни замон дар мамлакат 101 корхона ба истеҳсоли тухм, 113 корхона ба истеҳсоли гӯшти паранда, 8 адад ба истеҳсоли тухму гӯшти паранда ва 6 корхона ба истеҳсоли тухми инкубатсионӣ, чӯҷаи якрӯза ва тухми истеҳсолӣ машғул мебошанд.
Дар нишати хабарӣ гуфта шуд, ки ҳоло корхонаву хоҷагиҳои кишоварзии Тоҷикистон ба буҷети ҷумҳурӣ зиёда аз 1 млрд сомонӣ андоз ворид менамоянд.
«Бояд бигӯям, ки вазифаи аввалиндараҷа ва ҷонии кишоварзон- ин таъмин намудани амнияти озуқаворӣ ва сабади истеъмолии аҳолӣ ба шумор меравад», —таъкид намуд номбурда.
Шаҳлои САДРИДДИН,
АМИТ «Ховар»
АКС: АМИТ «Ховар»
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Озмуни «Беҳтарин корхонаи саноатии шаҳри Душанбе» баргузор мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
Лоиҳаи «Стратегияи нави шарикии Бонки Осиёии рушд бо Ҷумҳурии Тоҷикистон барои солҳои 2026–2030» баррасӣ гардид
Дурнамои тақвияти ҳамкории иқтисодии Тоҷикистон ва Эрон баррасӣ гардид
Дар шаҳри Хива ҷаласаи 12-уми Комиссияи байниҳукуматии Тоҷикистон ва Узбекистон оид ба ҳамкории тиҷоративу иқтисодӣ баргузор шуд
Вохӯрии роҳбарони агентиҳои авиатсияи граждании Тоҷикистон ва Қирғизистон баргузор гардид
Дар шаҳру ноҳияҳои вилояти Хатлон корҳои безараргардонӣ бар зидди малах идома доранд
