Дар Бохтар вобаста ба одоби шаҳрнишинӣ ва пешгирии ҷинояткорӣ вохӯрӣ баргузор гардид
ДУШАНБЕ, 21.02.2024 /АМИТ «Ховар»/. Дар маркази вилояти Хатлон — шаҳри Бохтари вохӯрии роҳбарияти милитсияи Хатлон бо фаъолону аҳли ҷамоати шаҳр дар робита ба пешгирии ҷинояткорӣ, баланд бардоштани маърифати ҳуқуқии қишрҳои гуногуни ҷомеа, бартараф намудани зуҳуроти халалдоркунандаи тартиботи ҷамъиятӣ ва суботи комили сиёсӣ доир гардид. Дар ин хусус ба АМИТ «Ховар» дар Раёсати Вазорати корҳои дохилӣ дар вилояти Хатлон хабар доданд.
Дар мулоқот сардори Раёсати Вазорати корҳои дохилӣ дар вилояти Хатлон Шариф Назарзода дар мавзуи «Баррасии вазъи ҷинояткорӣ дар Бохтар ва дарёфти роҳҳои ҳалли падидаҳои халалдоркунандаи манфиатҳои давлату миллат, сулҳу оромӣ ва суботи ҷомеа» сухан гуфт.
Таъкид гардид, ки тибқи таҳлилҳои соҳавӣ, содиршавии баъзе ҷиноятҳо дар ҳудуди шаҳри Бохтар тамоюли афзоиш дошта, баргузории чунин вохӯриву суҳбатҳои озод, чорабиниҳои мақсадноки маърифатӣ-ҳуқуқӣ ба коҳиши сатҳи ҷинояткорӣ, пешгирии шомилшавии ҷавонон ба ҳизбу ҳаракат ва равияҳои террористиву экстремистӣ, баланд бардоштани маданияти шаҳрнишинӣ, одоби муоширати сокинон, махсусан наврасону ҷавонон, пешгирии муноқиша ва авбошиҳои гуруҳӣ мусоидат менамояд.
Ба таъкиди сардори раёсат танҳо дар ҳамбастагӣ бо фаъолони ҷомеаи шаҳрвандӣ метавон пеши роҳи ҳама гуна амалу кирдорҳои номатлуб дар ҷомеа гирифта шавад.
Дар қисмати дигари мулоқот иштирокдорон доир ба рафъи мушкилот ва омилҳои ба ҷинояткорӣ мусоидаткунанда таклифҳо пешниҳод намуданд.
АКС: Раёсати Вазорати корҳои дохилӣ дар вилояти Хатлон
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
