Дар Душанбе бо мақсади бехатарии маҳсулоти хӯрокворӣ ҷаласаи навбатии Шурои ҳамоҳангсозӣ доир гардид

Февраль 12, 2024 17:21

ДУШАНБЕ, 12.09.2024. /АМИТ «Ховар»/. Дар шаҳри Душанбе таҳти раисии муовини Сарвазири Ҷумҳурии Тоҷикистон, Раиси Шурои ҳамоҳангсозӣ оид ба бехатарии маҳсулоти хурокворӣ Усмоналӣ Усмонзода ҷаласаи навбатии Шурои ҳамоҳангсозӣ оид ба бехатарии маҳсулоти хўрокворӣ доир гардид. Дар ин хусус ба АМИТ «Ховар» дар Агентии «Тоҷикстандарт» иттилоъ доданд.

Муовини Сарвазири Ҷумҳурии Тоҷикистон Усмоналӣ Усмонзода фаъолияти мақомоти аъзои  Шуроро натиҷагирӣ намуда, аз ҷумла изҳор дошт, ки тибқи таҳлилҳо дар самти ҳимояи бозори истеъмолӣ аз воридоти маҳсулоти ғизоии ба саломатӣ хатарнок ва пешгирии истеҳсоли маҳсулоти пастсифат дар ҷумҳурӣ ҳоло ҳам фаъолияти мақомоти аъзои Шуро беҳбудӣ тақозо менамояд.

Таъкид гардид, ки давоми рӯзҳои охир тариқи воситаҳои ахбори омма ҳолатҳои зиёди ошкоркунии маҳсулоти воридотӣ ва истеҳсоли дохилии пастсифат аз тарафи мақомоти ваколатдор ба намоиш гузошта мешаванд. Аз вазъияти ҷойдошта чунин натиҷагирӣ мешавад, ки ҳамоҳангии мақомоти назоратӣ коста шудааст. Бо назардошти вазъи ҷойдошта дар ҷаласаи навбатии Шуро бояд роҳу усулҳои пешгирии воридоти маҳсулоти пастсифати ғизоиро муайян намуда, барои амалӣ намудани фаъолияти босамар қарор қабул намоем.

Инчунин дар ин самт раиси Шуро аъзоро ба масъулиятнокӣ, мунтазам амалӣ намудани корҳои фаҳмондадиҳӣ бо истеҳсолкунандагону истеъмолкунандагон ва вусъат додани ҳамкорӣ бо ташкилоти байналмилалию шарикони рушд ҷиҳати ҳарчи бештар ҷалб намудани сармоягузорӣ ва таъмини мақомот бо таҷҳизоти муосири ташхисӣ даъват намуд.

Масъулин оид ба таъмини бехатарии маҳсулоти ғизоӣ ва дар ин замина пешгирии воридоти маҳсулоти хӯроквории пастсифат ва ба саломатӣ хатарнок, ҳолатҳои сироятёбии аҳолӣ аз истеъмоли маҳсулоти дар шароити хона тайёргардида ва дар ин робита тақвият додани корҳои фаҳмондадиҳӣ ба аҳолӣ тариқи воситаҳои ахбори омма  боз ҳам тақвият додани назорати истеҳсол ва фурўши маҳсулоти хӯрокворӣ, таҳия ва таҷдиди санадҳои меъёрӣ-ҳуқуқӣ, амалӣ намудани корҳои фаҳмондадиҳӣ ибрози андеша намуданд.

Таъкид шуд, ки ҳоло ҳам соҳибкороне ҳастанд, ки аз коҳиш ёфтани санҷишҳо истифода бурда, ба сифати маҳсулоти хўрокворӣ аҳамияти ҷиддӣ намедиҳанд. Дар ин раванд зарур аст, ки ҳамкорӣ бо воситаҳои ахбори омма тақвият дода шуда, ҳамчунин тариқи сомонаҳои иҷтимоӣ корҳои фаҳмондадиҳӣ ба аҳолӣ (ҳам истеҳсолкунандагону воридкунандагон ва ҳам истеъмолкунандагон) зиёд шавад.

Дар идомаи ҷаласа ҳамзамон вобаста ба масъалаи ҷорӣ намудани стандарти байналмилалии GLOBAL.G.A.P, ки самтҳои бехатарии соҳаи кишоварзиро ба танзим медарорад, инчунин мушкилоти ҷойдошта дар самти савдо дар ҷойҳои муқаррарнашуда (савдои кӯчагӣ) гузориши масъулин шунида шуд.

АКС: Агентии «Тоҷикстандарт»

Февраль 12, 2024 17:21

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Исломии Покистон Шаҳбоз Шариф барқияи табрикӣ ирсол намуданд
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Дар Душанбе дурнамои густариши ҳамкории тиҷоратӣ байни Тоҷикистон ва Эрон баррасӣ шуд
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
Доир ба ҳамкории иқтисодию тиҷоратии Тоҷикистон ва Арабистони Саудӣ ҷаласаи навбатии комиссияи муштарак баргузор мегардад
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад