Дар Душанбе Ташкилоти ибтидоии «Китобшинос» таъсис ёфт

ДУШАНБЕ, 24.02.2024. /АМИТ «Ховар»/. Дар шаҳри Душанбе бо ҷонибдории якдилонаи кормандони Муассисаи давлатии «Агентии миллии созмони байналмилалии рақамгузории стандарти китоб-Хонаи китоби Тоҷикистон» -и Вазорати  фарҳанги Ҷумҳурии Тоҷикистон ташкилоти ибтидоии Ҳизби Халқии Демократии Тоҷикистон таъсис дода шуд.

Ба ташкилоти ибтидоӣ «Китобшинос» ном гузошта шуда, роҳбарияти ташкилоти ибтидоӣ интихоб гардид. Ба нафароне ки нав ба сафи Ҳизби Халқии Демократии Тоҷикистон пайвастанд, аз ҷониби роҳбарияти Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ шаҳодатномаҳои ҳизбӣ тақдим гардиданд.

Инчунин вобаста ба дастовардҳои соҳаи фарҳанги мамлакат дар солҳои соҳибистиқлолӣ суҳбат намуда, вобаста ба китобу китобдорӣ дар ҳимояи манфиатҳои миллӣ изҳори қаноатмандӣ шуд. Таъкид шуд, ки ташкилоти ибтидоии навтаъсиси «Китобшинос» дар татбиқи ҳадафҳои созандаи Ҳизби Халқии Демократии Тоҷикистон нақши арзанда мегузорад.

АКС: Шуъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ