Дар ноҳияи Бобоҷон Ғафуров кишти картошкаи барвақтӣ идома дорад
ДУШАНБЕ, 07.02.2024 /АМИТ «Ховар»/. Дар Ҷамъияти саҳомии кушодаи ба номи Абдураҳим Ҷумъаеви ноҳияи Бобоҷон Ғафуров кишти барвақтии картошка идома дорад. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Иттилоъ дода шуд, ки дар ноҳияи Бобоҷон Ғафуров 24 ҳазору 281 гектар замини корам мавҷуд буда, деҳқонон нақша доранд, ки имсол дар майдони 19748 гектар кишти баҳориро анҷом диҳанд.
Роҳбарияти вилоят бо ёдоварӣ аз дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати истифодаи мақсадноку оқилонаи замин барои рӯёнидани ҳосили баланд, ба гардиши кишоварзӣ даровардани заминҳои бекорхобида, таъмини киштзор бо оби полезӣ, риояи ҳатмии сохтори кишт, гирифтани ду — се ҳосил аз як замин маслиҳатҳои муфид доданд.
Таъкид гардид, ки бо мақсади баланд бардоштани ҳосилнокӣ ҳатман қоидаҳои агротехникӣ риоя гардида, дар муҳлатҳои оптималӣ кишти баҳорӣ анҷом дода шавад. Зеро бино ба андешаи мутахассисони соҳа, кишти картошкаи барвақтӣ дар иқлими вилояти Суғд асосан моҳи феврал анҷом дода мешавад.
Дар ноҳия имсол дар майдони 250 гектар кишти картошкаи барвақтӣ ба нақша гирифта шуда, деҳқонон ҷиҳати рӯёнидани ҳосили баланд ҷаҳду талош меварзанд.
Дар ҷамъияти ба номи Абдураҳим Ҷумъаев кишти картошкаи барвақтӣ дар майдони 50 гектар ба нақша гирифта шуда, бо ин мақсад тухмии хушсифат захира гардидааст.
Маҳз истифодаи мақсадноку оқилонаи заминҳо сабаби фаровонии бозори истеъмолӣ ва таъмини амнияти озуқавории мамлакат мегардад.
АКС: Хадамоти матбуоти Раиси вилояти Суғд
«Худшиносӣ – омили таҳкимбахши давлатдории миллӣ». Таҳти ин унвон дар шаҳри Гулистон вохӯрӣ баргузор гардид
Имрӯз дар Тоҷикистон ҳаво то 36 дараҷа гарм мешавад
Дар Афғонистон ба занон сурудхонӣ ва қироат бо садои баланд дар ҷойҳои ҷамъиятӣ манъ карда шуд
Дар ноҳияи Ванҷ бахшида ба ташаббусҳои ҷаҳонии Тоҷикистон конфронси ҷумҳуриявӣ доир гардид
Имрӯз дар шаҳри Душанбе ҳаво то 36 дараҷа гарм мешавад
Ҳамкории Шурои Иттифоқҳои касабаи вилояти Суғд ва Федератсияи Иттифоқҳои касабаи вилояти Свердловск густариш меёбад
22-23 август дар баъзе минтақаҳои кӯҳии Тоҷикистон омадани сел дар назар аст
Дар Ҷумҳурии Демократии Конго беш аз 200 нафар бар асари ғарқ шудани киштӣ бедарак шудаанд
Дар 30 дарёи Чин дар тамоми давраи мушоҳидаҳо обхезиҳои шадидтарин ба амал омаданд
Кумитаи ҳифзи муҳити зисти Тоҷикистон бахшида ба Соли маърифати экологӣ дар пойтахт озмуни шаҳрӣ эълон намуд
Давлатҳои Аврупо эмкунии аҳолиро бар зидди обилаи маймун рад менамоянд
ТАВАҶҶУҲ! 22-23 август дар Душанбе ҳаракати воситаҳои нақлиёт муваққатан маҳдуд карда мешавад
