Иттиҳоди Аврупо ҷазо барои ҷиноятҳои экологиро сахттар намудааст

Февраль 28, 2024 17:47

ДУШАНБЕ, 28.02.2024 /АМИТ «Ховар»/. Парлумони Аврупо дастури нави Иттиҳоди Аврупо (ИА) — ро қабул намуд, ки рӯйхати ҷиноятҳои зидди муҳити зистро васеъ ва муҷозотро барои онҳо сахттар менамояд. Барои ҷинояти экологӣ, ки боиси марги одамон мегардад, то 10 соли зиндон таҳдид менамояд. Тавре АМИТ «Ховар» иттилоъ медиҳад, дар ин хусус агентии Kazinform бо истинод ба DW хабар додааст.

Парлумони Аврупо (ПА) рӯзи сешанбе, 27 феврал, бо аксарияти овозҳо дастури навшудаи Иттиҳоди Аврупоро дар бораи мубориза бо ҷиноятҳо бар зидди муҳити зист тасдиқ намуд. Тибқи иттилои сомонаи Парлумони Аврупо, 499 вакили Парлумони Аврупо ба тарафдории ин санад овоз дода, 100 нафар бар зидди он баромадаанд, 23 нафар аз овоздиҳӣ худдорӣ намудаанд.

Ба вайронкунии ҷиддии экологӣ, аз ҷумла гардиши ғайриқонунии чӯб, ки тавассути буридани ғайриқонунӣ ба даст оварда шудааст, истифодаи ғайриқонунии қисмҳои аз ҷиҳати экологӣ зарарноки мошинҳо ва вайрон намудани қоидаҳои истифодаи моддаҳои кимиёвии ба муҳити зист зараровар дохил мешаванд.

Барои ҷиноятҳои бадқасдонаи экологӣ, ки ба марг оварда мерасонанд, ба шахсони воқеӣ дар тамоми давлатҳои Иттиҳоди Аврупо маҳрум шудан аз озодӣ ба муҳлати то 10 сол таҳдид менамояд.

Инчунин барои ширкатҳо вобаста ба ҷиноятҳои вазнин нисбат ба муҳити зист ҷарима дар ҳаҷми то 5% аз гардиши ҷаҳонии солонаи онҳо ё пардохти то 40 миллион евро пешбинӣ шудааст.

Акс: Eli Driu

Февраль 28, 2024 17:47

Хабарҳои дигари ин бахш

Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт