Лоиҳаи Қонуни Ҷумҳурии Тоҷикистон «Дар бораи беҳдошти замин ва обёрӣ» таҳия мешавад
ДУШАНБЕ, 03.02.2024. /АМИТ «Ховар»/. Соли 2024 Лоиҳаи Қонуни Ҷумҳурии Тоҷикистон «Дар бораи беҳдошти замин ва обёрӣ» таҳия мегардад. Ҳамчунин дар ин сол баргузории 14-умин Машварати байналмилалӣ оид ба ирригатсия ва дренаж таҳти унвони «Навсозии шабакаҳои обёрӣ ва дренаж бо мақсади мутобиқшавӣ ба тағйирёбии иқлим ва рушди устувор» дар доираи «Даҳсолаи байналмилалии амал «Об барои рушди устувор, солҳои 2018-2028» дар назар дошта шудааст. Дар ин хусус зимни нишасти матбуотии Агентии беҳдошти замин ва обёрии назди Ҳукумати Ҷумҳурии Тоҷикистон, ки 1 феврали соли равон доир гардид, иттилоъ дода шуд.
Дар нишасти хабарӣ иброз гардид, ки соли 2024 таъмини иҷрои нақшаи чорабиниҳои тирамоҳию зимистонӣ ва боз ҳам беҳтар намудани таъминоти оби заминҳои обёришаванда, азхудкунии заминҳои нави обёришаванда ба масоҳати 3410 гектар, барқарорсозии 900 гектар заминҳои аз гардиши кишоварзӣ берунмонда, беҳтар намудани ҳолати ғайриқаноатбахши мелиоративии 9812 гектар заминҳои кишоварзӣ, гузаронидани корҳои соҳилмустаҳкамкунӣ ба дарозии 36065 метр бо мақсади пешгирӣ аз офатҳои табиӣ марбут ба об ва эмин нигоҳ доштани маҳалҳои аҳолинишину иншооти хоҷагии халқ, таъмини иҷрои босифат ва саривақтии нақшаи «Барномаи сармоягузории бо таҷҳизоти муосири каммасрафи барқӣ таъмин намудани пойгоҳҳои обкашии Агентии беҳдошти замин ва обёрии назди Ҳукумати Ҷумҳурии Тоҷикистон барои солҳои 2023-2027» таҳияи лоиҳаи «Барномаи рушди соҳаи беҳдошти замин ва обёрӣ барои солҳои 2024-2028» аз ҷумлаи вазифаҳои муҳимтарине мебошанд, ки Агентӣ анҷоми онҳоро дар соли равон ба нақша гирифтааст.
Иттилоъ дода шуд, ки аз ҷониби Агентӣ соли 2023 азхуд намудани 1547 гектар заминҳои нави обёришаванда ва барқарорсозии 480 гектар заминҳои аз гардиши кишоварзӣ берунмонда ба нақша гирифта шуда, дар натиҷа 3082 гектар (199%) заминҳои нави обёришаванда азхуд ва 1092 гектар (228%) заминҳои аз гардиши кишоварзӣ берунмонда барқарор шудааст.
Рухсораи НУР,
АМИТ «Ховар»
АКС: АМИТ «Ховар»
Дар Риёз рушди ҳамкории Тоҷикистон ва Арабистони Саудӣ дар бахшҳои иқтисоду тиҷорат ва саноат баррасӣ гардид
Байни Вазорати саноат ва технологияҳои нави Ҷумҳурии Тоҷикистон ва ширкати «FAS Energy» санади ҳамкорӣ ба имзо расид
Дар ноҳияи Лахш дар ҳамаи шаклҳои хоҷагидорӣ дар майдони 5468 гектар картошка кишт карда мешавад
Ҳайати Тоҷикистон бо ҷониби Арабистони Саудӣ вохӯриҳо анҷом дод
Раиси вилояти Хатлон бо корҳои саҳроӣ ва истифодаи самараноки замини наздиҳавлигии сокинони Муъминобод шинос шуд
Имконияти сармоягузории Тоҷикистон дар Форуми сармоягузории кишварҳои Осиёи Марказӣ ва Шурои ҳамкории кишварҳои арабии Халиҷ дар Риёз муаррифӣ гардид
Намояндаи Тоҷикистон дар ҷаласаи сатҳи баланди Созмони ҳамкории иқтисодии минтақавии Осиёи Марказӣ сухан гуфт
Дар Бонки миллии Тоҷикистон озмуни «Ташкилоти қарзии молиявии беҳтарин оид ба хизматрасонии бонувони соҳибкор» ҷамъбаст гардид
Байни Вазорати энергетика ва захираҳои об ва Корпоратсияи байналмилалии молиявӣ Ёддошти тафоҳум ба имзо расид
«Саноатсодиротбонк» яке аз беҳтарин ташкилотҳои қарзии молиявии Тоҷикистон шуд
Дар Душанбе ҷаласаи 69-уми Шурои роҳбарони мақомоти омори давлатҳои аъзои Иттиҳоди Давлатҳои Мустақил доир шуд
Дар корхонаи «Атласи Хуҷанд» давоми 4 моҳ ба маблағи 340 ҳазор сомонӣ маҳсулот истеҳсол гардидааст
