НИШАСТИ МАТБУОТӢ. Фурудгоҳи байналмилалии Хуҷанд ба шаш ширкати ҳавопаймоӣ хизмат мерасонад
ДУШАНБЕ, 13.02.2024 /АМИТ «Ховар»/. Фурудгоҳи байналмилалии Хуҷанд ба шаш ширкати ҳавопаймоӣ, аз ҷумла ба як ширкати ватанӣ ва панҷ ширкати ҳавопаймоии хориҷӣ хизмат мерасонад. Дар ин хусус Директори генералии Фурудгоҳи байналмилалии Хуҷанд Қурбони Алимардон зимни нишасти матбуотӣ ба хабарнигорон иттилоъ дод.
Гуфта шуд, ки ҳоло дар фурудгоҳ корҳои ободониву созандагӣ идома дошта, бинои сехи дӯзандагӣ, ки барои сад зани ҳунарманд пешбинӣ гардидааст, бо шаклу тарҳи муосир сохта мешавад. Ин иншоот ба истиқболи ҷашни 35-солагии Истиқлоли давлатии Ҷумҳурии Тоҷикистон мавриди истифода қарор дода мешавад.
Инчунин сохтмони бокси мошинҳо, ки аз се ошёна иборат мебошад, дар марҳилаи анҷом қарор дорад. Бино барои нигоҳдории автомобилҳои сӯхторнишонӣ ва утоқҳои корӣ барои кормандон пешбинӣ шудааст.
Ҳамзамон сохтмони маҷмааи «Кайҳон» дар марҳилаи анҷомёбӣ қарор дошта, бинокорон ба корҳои дохили тарабхонаву меҳмонхона ва ошхона машғул ҳастанд. Тарабхона бо тарҳи муосир ва бо назардошти санъати миллӣ бунёд шуда, меҳмонхонаи «Кайҳон», ки аз панҷ ошёна иборат аст, бо таҷҳизот ва лавозимоти зарурӣ муҷаҳҳаз гардонида мешавад.
Иброз гардид, ки ҳадафи роҳбарияти фурудгоҳ бо фароҳам овардани шароити зарурии меъёрӣ, аз қабили бунёду навсозии бинову иншооти зарурӣ, харидории дастгоҳу таҷҳизоти муосири хизматрасон, нақлиёти гуногуни хизматӣ ва ободу зебо гардонидани фурудгоҳ- зиёд намудани ширкатҳои ҳавопаймоӣ ва хизматрасонии аъло ба мусофирон мебошад.
АКС: Маркази матбуот ва робита бо ҷомеаи Фурудгоҳи байналмилалии Хуҷанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
