НИШАСТИ МАТБУОТӢ. Ҳиссаи бахши кишоварзӣ дар Маҷмуи маҳсулоти дохилии Тоҷикистон беш аз 24,6 фоизро ташкил медиҳад
ДУШАНБЕ, 01.02.2024 /АМИТ «Ховар»/. Нисбат ба дурнамои нишондиҳандаҳои асосии макроиқтисодии ҷумҳурӣ дар соли 2023 ҳаҷми маҳсулоти умумии кишоварзӣ 9027,1 сомонӣ ё 1,8 фоиз зиёд гардида, ҳиссаи бахши кишоварзӣ дар Маҷмуи маҳсулоти дохилии мамлакат беш аз 24,6 фоизро ташкил медиҳад. Дар ин хусус имрӯз зимни нишасти матбуотӣ Вазири кишоварзии Ҷумҳурии Тоҷикистон Қурбон Ҳакимзода иттилоъ дод.
Вазири кишоварзӣ изҳор дошт, ки амалигардонии ҳадафи стратегии таъмини амнияти озуқавории мамлакат тавассути татбиқи 8 консепсия ва барномаҳои давлатии соҳавӣ имкон фароҳам овард, то ки рушди устувори соҳаи кишоварзӣ ҳамчун тавлидкунандаи маҳсулоти ғизоии босифат ва ба рақобат тобовари ба содирот нигаронида таъмин гардида, дар натиҷаи ин ҳазорҳо ҷойҳои нави корӣ ташкил шаванд.
Ҳамзамон таъкид гардид, ки тавассути фароҳам овардани шароити мусоид барои пешбурди фаъолияти соҳибкорӣ дар комплекси агросаноатӣ теъдоди хоҷагиҳои деҳқонӣ ба 176 ҳазор адад ва шумораи кормандони соҳа ба 1664,5 ҳазор нафар расид.
Иттилоъ дода шуд, ки содироти маҳсулоти кишоварзӣ дар ин давра 246,6 млн долларро ташкил дода, ба зиёда аз 22 давлати хориҷи дуру наздик содирот шудааст, ки аз он 93,1 фоиз ба давлатҳои ИДМ ва 6,9 фоиз ба давлатҳои хориҷии дур рост меояд.
Шаҳлои САДРИДДИН,
АМИТ «Ховар»
АКС: АМИТ «Ховар»
«Стратегияи миллии гуногунии биологии Ҷумҳурии Тоҷикистон барои соли 2030» баррасӣ гардид
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
