НИШАСТИ МАТБУОТӢ. «Тоҷиксуғурта» бо шахсони ҳуқуқию воқеӣ беш аз 547 ҳазор шартномаи суғуртавӣ ба имзо расонд
ДУШАНБЕ, 05.02.2024 /АМИТ «Ховар»/. Корхонаи воҳиди давлатии «Тоҷиксуғурта» соли 2023 бо шахсони ҳуқуқию воқеӣ дар маҷмуъ беш аз 547 ҳазор шартномаи суғуртавӣ ба имзо расонида, аз ҳисоби ин шартномаҳо ба корхона зиёда за 39,4 миллион сомонӣ маблағ ворид гардид, ки дар натиҷа нақшаи солона 118,5 фоиз таъмин шуд.
Директори КВД «Тоҷиксуғурта» Шуҳрат Мақсудзода дар нишасти матбуотӣ зимни натиҷагирӣ аз фаъолияти корхонаи «Тоҷиксуғурта» дар соли 2023 гуфт, ки маблағи воридгардида нисбат ба нақша беш аз 6,1 миллион сомонӣ зиёд мебошад.
Гуфта шуд, ки аз шумораи умумии шартномаҳои басташуда зиёда аз 19,5 ҳазор дар ҳаҷми беш аз 3,4 миллион сомонӣ ё 85 фоиз ба шакли суғуртаи ҳатмӣ ва беш аз 528 ҳазору 70 шартнома ба маблағи зиёда аз 36 миллион ё 91,5 фоиз ба шакли ихтиёрии суғурта марбут аст.
Директори Корхонаи воҳиди давлатии «Тоҷиксуғурта» иброз намуд, ки бо мақсади пурра ба суғурта фаро гирифтани ҳаёт, саломатӣ, масъулият ва молу амволи шахсони ҳуқуқию воқеӣ дар миқёси мамлакат 63 филиал ва 6 намояндагии корхона таъсис дода шудааст. Дар онҳо беш аз 500 нафар бо кор таъмин гардидаанд, ки 293 нафар корманди воҳидӣ, 71 нафар корманди шартномавӣ ва 159 кас агенти суғуртавӣ мебошанд.
Марзия САИДЗОДА,
АМИТ «Ховар»
АКС: АМИТ «Ховар»
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
