«ПАЁМ ЧУН РОҲНАМОИ ЗИНДАГӢ». Дар Коллеҷи технологии шаҳри Душанбе таҳти ин унвон конфронси илмӣ-амалӣ доир гардид
ДУШАНБЕ, 16.02.2024 /АМИТ «Ховар»/. Дар Коллеҷи технологии шаҳри Душанбе таҳти унвони «Паём чун роҳнамои зиндагӣ» конфронси ҷумҳуриявии илмӣ-амалӣ баргузор гардид, ки дар он намояндагони вазорату идораҳо ва ҳайати кормандони коллеҷ иштирок намуданд. Дар ин хусус ба АМИТ «Ховар» дар ин коллеҷ хабар доданд.
Дар ҳамоиш изҳор гардид, ки соли 2023 барои Тоҷикистони соҳибистиқлол бо дастоварду пешравиҳои назарраси мардум соли бобарор гардид.
Гуфта шуд, ки Истиқлоли давлатии Ҷумҳурии Тоҷикистон, барқарор гардидани сулҳу оромӣ дар мамлакат ва ба даст омадани ваҳдати комили мардум шароит ба вуҷуд овард, ки соҳаҳои мухталифи хоҷагии халқи ҷумҳурӣ инкишоф ёфта, дар ҳаёти ҷомеаи мамлакат дигаргуниҳои куллӣ ба амал омаданд. Ин ҳама натиҷаи сиёсати ояндабинонаи Президенти Тоҷикистон муҳтарам Эмомалӣ Раҳмон мебошад.
Муовини Раиси шаҳри Душанбе Дилбар Одилзода иброз намуд, ки дар Паёми Президенти Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» самтҳои асосии сиёсати дохилию хориҷии мамлакат барои давраҳои оянда муайян гардида, оид ба пешбурди манфиатбори сиёсати хориҷӣ ва таъмини пешрафти соҳаҳои иқтисоду саноат, энергетика, роҳу нақлиёт, амнияту мудофиа, ҳифзи ҳуқуқу тартибот, тандурустӣ, фарҳанг, илму маориф, ҳифзи иҷтимоии аҳолӣ, ҷавонон, варзиш ва сайёҳӣ вазифаҳои мушаххас ба миён гузошта шуд.
Вакили Маҷлиси намояндагони Маҷлиси Олии Ҷумҳурии Тоҷикистон Гавҳар Шарофзода, роҳбарияти Кумитаи иҷроияи Ҳизби Халқии Демократии Тоҷикистон дар шаҳри Душанбе, масъулини Раёсати тандурустии шаҳр, сардори Раёсати кор бо ҷавонон ва варзиши шаҳри Душанбе вобаста ба самтҳои асосии сиёсати дохилию хориҷии мамлакат ва рушди минбаъдаи давлатдории миллӣ дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат маъруза намуданд.
АКС: Коллеҷи технологии шаҳри Душанбе
СОЛИ МАЪРИФАТИ ҲУҚУҚӢ. Бунёди ҷомеаи муосир бе ташаккули маърифати ҳуқуқии шаҳрвандон имконнопазир аст
Дар мавзуи «Паёми Президенти Тоҷикистон ва масъалаҳои рушди фаъолияти китобдорӣ ва бойгонишиносӣ» ҳамоиш доир шуд
Дар Донишгоҳи давлатии омӯзгорӣ оид ба иҷрои нишондиҳандаҳои Паёми Президенти Тоҷикистон ҷамъомад баргузор шуд
ПАЁМИ ПРЕЗИДЕНТИ ТОҶИКИСТОН-ПАЙКИ САОДАТОВАР. Он омили пешрафти ҷумҳурӣ ва таъмини зиндагии арзанда барои мардум аст
СОЛИ МАЪРИФАТИ ҲУҚУҚӢ. Танҳо ба воситаи маърифати баланди ҳуқуқӣ метавон ҷомеаи шаҳрвандӣ бунёд намуд
«ХАВФИ РЕПУТАТСИОНӢ». Доктори илмҳои сиёсӣ, профессор Муҳаммад Абдураҳмон ин мавзуъро шарҳ медиҳад
МАСОИЛИ САНОАТИКУНОНӢ ДАР ПАРТАВИ ПАЁМИ ПРЕЗИДЕНТИ ТОҶИКИСТОН. Андешаҳои вакили Маҷлиси намояндагон дар ин мавзуъ
Дар ноҳияи Вахш вобаста ба иҷрои нишондиҳандаҳои Паёми Президенти Тоҷикистон ба Маҷлиси Олӣ ҳамоиш доир шуд
Дар Донишгоҳи давлатии Хоруғ доир ба аҳамияти омӯзиши забонҳои хориҷӣ ҳамоиши илмӣ-назариявӣ баргузор шуд
«ҲАДАФҲОИ ТАРБИЯВИИ ПАЁМИ ПРЕЗИДЕНТ». Таҳти ин унвон дар Донишгоҳи давлатии Хоруғ маҳфили тарбиявӣ баргузор шуд
Ба сокинони ноҳияи Ванҷ моҳияти ҳадафҳои созандаи Паёми Президенти Тоҷикистон ба Маҷлиси Олӣ шарҳ дода шуд
