РОҲ НАДОДАН БА ПАҲНШАВИИ МАЛАХ. Ҷаласаи ситоди ҷумҳуриявӣ оид ба муҳофизати зироати кишоварзӣ доир гардид
ДУШАНБЕ, 29.02.2024. /АМИТ «Ховар»/. Бо мақсади пешгирӣ ва роҳ надодан ба паҳншавии малах, инчунин гузаронидани чораҳои муҳофизатии зироати кишоварзӣ ва боғу токзор аз зараррасону касалиҳо дар Донишгоҳи аграрии Тоҷикистон ба номи Шириншоҳ Шоҳтемур ҷаласаи ситоди ҷумҳуриявӣ баргузор гардид. Дар ин хусус ба АМИТ «Ховар» дар маркази матбуот ва иттилооти Вазорати кишоварзии Ҷумҳурии Тоҷикистон хабар доданд.
Дар ҷаласаи ситод Вазири кишоварзии Ҷумҳурии Тоҷикистон Қурбон Ҳакимзода, муовини якуми вазир, сардорони раёсату шуъбаҳои дастгоҳи марказӣ, роҳбарони муассисаву ташкилоти зертобеи вазорат, сарраёсатҳои кишоварзии вилоятҳои Суғду Хатлон ва шаҳру ноҳияҳои тобеи ҷумҳурӣ ва олимону мутахассисони соҳа иштирок намуданд.
Дар ҷаласа доир ба натиҷаи фаъолияти Муассисаи давлатии «Экспедитсияи мубориза бар зидди малах» дар соли 2023, фаъолияти Муассисаи давлатии муҳофизати растаниҳо ва химикунонии кишоварзӣ дар соли 2023 ва вазифаҳо барои соли 2024 маърузаҳо шунида шуданд.
Аз ҷониби Вазири кишоварзии Ҷумҳурии Тоҷикистон Қурбон Ҳакимзода ба аъзои Ситоди ҷумҳуриявӣ барои сари вақт иҷро намудани дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба риояи агротехникии зироат, ҷамъоварии беталафи ҳосил, таъмини бозорҳои дохилӣ ва содироти маҳсулот, инчунин омодагии ҳамаҷониба баҳри пешгирии саривақтӣ, роҳ надодан ба паҳншавии малах, гузаронидани чораҳои муҳофизатии зироати кишоварзӣ ва боғу токзор аз зараррасону касалиҳо маслиҳату дастурҳои мушаххас дода шуд.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
