ШОҲРОҲИ БУЗУРГИ АБРЕШИМ. Дар Осорхонаи Британия осори таъриху тамаддуни қадимии тоҷикон ба намоиш гузошта мешавад
ДУШАНБЕ, 28.02.2024 /АМИТ «Ховар»/. Дар намоиши байналмилалии «Шоҳроҳи Бузурги Абрешим», ки моҳи сентябри соли 2024 дар Осорхонаи Британия дар Лондон баргузор мегардад, осори таъриху тамаддуни қадимии тоҷикон ба маърази тамошо гузошта мешавад, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Дар ин робита Директори Осорхонаи миллии Тоҷикистон Зафаршо Иброҳимзода бо намояндагони Осорхонаи Британияи Кабир мулоқоти маҷозӣ анҷом дод. Зимни мулоқот масъалаҳои дар сатҳи баланди касбӣ ташкил ва баргузор намудани намоиши байналмилалии «Шоҳроҳи Бузурги Абрешим» баррасӣ шуданд.
Мусоҳибон ҳамзамон масъалаҳои марбут ба бастубанд, интиқол, маблағгузорӣ, макони ҷойгиршавии нигораҳо дар толорҳои намоишии Осорхонаи Британия ва дигар паҳлуҳои раванди омодагиро ба намоиши байналмилалии «Шоҳроҳи Бузурги Абрешим» муҳокима намуданд.
Гуфта шуд, ки намоиши байналмилалии «Шоҳроҳи Бузурги Абрешим» дар Осорхонаи Британия дар фазои сулҳу дӯстӣ баргузор мегардад.
Шоҳроҳи Бузурги Абрешим дар таърихи тоҷикон мақоми махсусро доро мебошад, зеро омӯзишу таҳқиқоти бешумор исбот намудаанд, ки дар аҳди бостон мардуми бумии Осиёи Миёна, ниёгони тоҷикон – суғдиёну бохтариён дар Шоҳроҳи Бузурги Абрешим нақши муассир дошта, пайвандгарони давлатҳои Шарқ ва Ғарб будаанд. Аз ҷумла, забони суғдӣ забони муоширати байналмилалии тоҷирони ин шоҳроҳ маҳсуб мешудааст.
АКС: Осорхонаи миллии Тоҷикистон
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
