Соли 2023 хусусияти иҷтимоии буҷети Тоҷикистон нигоҳ дошта шуд
ДУШАНБЕ, 17.02.2024 /АМИТ «Ховар»/. Соли 2023 хусусияти иҷтимоии буҷет дар мамлакат нигоҳ дошта шуд. Тавре Вазири молияи мамлакат Файзидин Қаҳҳорзода 16 феврал дар Душанбе ба хабарнигорон иттилоъ дод, соли 2023 ба соҳаҳои иҷтимоӣ бо назардошти хароҷоти соҳаи хоҷагии манзилию коммуналӣ аз ҳисоби буҷети давлатӣ 18,7 миллиард сомонӣ равона гардид, ки он 45,3 фоизи ҳаҷми умумии хароҷоти буҷети давлатиро ташкил менамояд.
Вазир афзуд, ки дар соли 2023 барои музди меҳнати кормандони ташкилоти буҷетӣ 8,5 миллиард сомонӣ ё 20,0 фоизи ҳаҷми умумии хароҷоти буҷет, барои пардохти нафақа 3,6 миллиард сомонӣ, ҷубронпулӣ ва кумакпулиҳо ба маблағи 618,3 миллион сомонӣ, хизматрасонии коммуналӣ 967,3 миллион сомонӣ ва идрорпулӣ 158,1 миллион сомонӣ пардохт гардид.
Ҳамзамон Файзиддин Қаҳҳорзода иброз намуд, ки аз ҳисоби буҷети ҷумҳуриявӣ барои таъмини фаъолияти сиёсати берунаи мамлакат 250,2 миллион сомонӣ, аз ҷумла барои нигоҳдории намояндагиҳои дипломатии ҷумҳурӣ дар хориҷи ҷумҳурӣ 157,1 миллион сомонӣ ва ҳаққи узвияти ҷумҳурӣ дар созмонҳои байналмилалӣ 93,0 миллион сомонӣ пардохт шуд.
Вазири молияи мамлакат афзуд, ки дар доираи татбиқи лоиҳаҳои давлатии сармоягузорӣ маблағҳои қарзӣ дар ҳаҷми 2,6 миллиард сомонӣ ва грантӣ 6,4 миллиард сомонӣ, маҷмуан маблағи 9,1 миллирд сомонӣ аз худ шудааст. Аз ин ҳисоб ба рушди соҳаҳои ҳокимият ва идоракунии давлатӣ 362 миллион сомонӣ, маориф 525,8 миллион сомонӣ, тандурустӣ 556,0 миллион сомонӣ, хоҷагии манзилию коммуналӣ 633,2 миллион сомонӣ, фарҳангу варзиш 326,0 миллион сомонӣ, кишоварзӣ 843,6 миллион сомонӣ, энергетика 2,3 миллиард сомонӣ ва нақлиёт 3,5 миллиард сомонӣ равона гардид.
Марзия САИДЗОДА,
АМИТ «Ховар»
АКС: АМИТ «Ховар»
Дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ ба масъалаи бунёди неругоҳҳои бодӣ ва офтобӣ таваҷҷуҳ зоҳир гардид
Дар рӯзномаи арабии «Аш-Шарқ ал-Авсат» мусоҳибаи раиси Кумитаи давлатии сармоягузорӣ ва идораи амволи давлатии Тоҷикистон нашр гардид
ХАТСАЙРИ ДУШАНБЕ-ИСЛОМОБОД. Нахустин парвози ширкати ҳавопаймоии Тоҷикистон «Сомон Эйр» ба Покистон анҷом дода шуд
Дар Вазорати молияи Тоҷикистон бо ноибони президентҳои Бонки ҷаҳонӣ ва Корпоратсияи Байналмилалии Молиявӣ мулоқот доир гардид
Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
Аз 1 то 3 июл дар Тоҷикистон Ҷаласаи гурӯҳи электорати Хазинаи Байналмилалии Асъор ва Бонки ҷаҳонӣ баргузор мегардад
Пешвои миллат Эмомалӣ Раҳмон: «Ҳаҷми истеҳсоли маҳсулотро зиёд намуда, ба масъалаи захираи маводи зарурӣ дар ҳар як оила эътибори аввалиндараҷа диҳем»
ПАРВАРИШИ КИВӢ ДАР ТОҶИКИСТОН. Сокини ноҳияи Кӯшониён кивиро дар замини наздиҳавлигӣ парвариш мекунад
