Ҳайати Донишгоҳи байналмилалии сайёҳӣ ва соҳибкории Тоҷикистон дар маросими ифтитоҳи «ITB BERLIN – 2024» иштирок намуд
ДУШАНБЕ, 05.03.2024 /АМИТ «Ховар»/. Намояндагони Донишгоҳи байналмилалии сайëҳӣ ва соҳибкории Тоҷикистон таҳти роҳбарии ректори муассиса Убайдулло Асрорзода дар маросими ифтитоҳи намоишгоҳи байналмилалии «ITB Berlin – 2024», ки бо ҳузури намояндагони воломақоми Олмон, мамлакатҳои хориҷӣ ва Дабири кулли Созмони ҷаҳонии сайёҳӣ Зураб Пололикашвили доир гардид, иштирок намуданд.
АМИТ «Ховар» бо истинод ба Донишгоҳи байналмилалии сайëҳӣ ва соҳибкории Тоҷикистон иттилоъ медиҳад, ки ҳайати донишгоҳ дар доираи иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бо мақсади амалӣ намудани ҳамкорӣ ва бастани созишномаҳои дуҷониба бо муассисаҳои таълимии Ҷумҳурии Федеративии Олмон дар ин намоишгоҳ иштирок намуд.
Дар доираи ин чорабинӣ ҳайат бо Сафири Фавқулода ва Мухтори Ҷумҳурии Тоҷикистон дар Ҷумҳурии Федеративии Олмон Имомудин Сатторов мулоқот намуд. Дар мулоқот самтҳои асосии ҳамкории Донишгоҳи байналмилалии сайёҳӣ ва соҳибкории Тоҷикистон бо донишгоҳҳои Олмон дар доираи иҷрои Нақшаи чорабиниҳои амалисозии «Стратегияи рушди маорифи Ҷумҳурии Тоҷикистон барои давраи то соли 2030», «Стратегияи рушди сайëҳӣ дар Ҷумҳурии Тоҷикистон барои давраи то соли 2030» вобаста ба омодасозии кадрҳои баландихтисос, аз ҷумла дар зинаи касбҳои коргарӣ баррасӣ шуданд.
Дар натиҷа барномаи вохӯриҳо ва самтҳои ҳамкорӣ бо донишгоҳҳои Олмон ҳамоҳанг гардида, баргузории мулоқотҳо тибқи барнома ба нақша гирифта шуд.
Ҳамзамон зимни вохӯрии ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо Дабири кулли Созмони чаҳонии сайёҳӣ Зураб Пололикашвили густариши ҳамкории донишгоҳ бо барномаҳои Созмони ҷаҳонии сайёҳӣ баррасӣ шуд.
АКС: Донишгоҳи байналмилалии сайёҳӣ ва соҳибкории Тоҷикистон
«ХАТЛОН-ҚАЛБИ ГАРМИ САЙЁҲӢ». Дар шаҳри Кӯлоб форум ва намоишгоҳи байналмилалии сайёҳӣ доир гардид
«САЁҲАТ БА ҚАЛБИ АВРУОСИЁ». 12 июл иштирокчиёни экспедитсияи байналмилалӣ ба Тоҷикистон мерасанд
«ХАТЛОН-ҚАЛБИ ГАРМИ САЙЁҲӢ». Дар Кӯлоб форум ва намоишгоҳи байналмилалии сайёҳӣ доир мешавад
Дар мавзуи «Нақши Ваҳдати миллӣ дар рушди иқтисоди миллӣ ва сайёҳию соҳибкорӣ» ҳамоиш баргузор шуд
Экспедитсияи сайёҳии «Саёҳат ба қалби Авруосиё-2025» аз Москва оғоз гардид
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
