Дабири кулли Созмони ҳамкории Шанхай роҳбарии ҳайати нозирони созмонро дар интихоботи Президенти Федератсияи Русия ба уҳда дорад

ДУШАНБЕ, 12.03.2024 /АМИТ «Ховар»/. Ҳайати нозирони Созмони ҳамкории Шанхай таҳти роҳбарии дабири кулли Созмони ҳамкории Шанхай Чжан Мин ҷараёни интихоботи президентии Федератсияи Русияро назорат менамояд. Дар ин хусус АМИТ «Ховар» бо истинод ба котиботи Созмони ҳамкории Шанхай дар Пекин хабар медиҳад. Ҳайат аз 17 нафар, аз ҷумла намояндагони Ҷумҳурии Исломии Эрон, Ҷумҳурии Қазоқистон, Ҷумҳурии Мардумии Чин, Ҷумҳурии Қирғизистон, Ҷумҳурии Исломии Покистон, Ҷумҳурии Тоҷикистон ва Ҷумҳурии Узбекистон иборат аст.

Ҳайати нозирони Созмони ҳамкории Шанхай Низомнома «Дар бораи ҳайати нозирони Созмони ҳамкории Шанхай дар интихоботи президентӣ ва/ё парлумонӣ, инчунин раъйпурсиҳо»-ро дастури кор қарор додааст, ки он ба принсипҳои бетарафии сиёсӣ, шаффофият ва дахолат накардан ба корҳои дохилии давлатҳо, риояи қатъии қонунгузории миллии мамлакате, ки дар он назорат амалӣ мешавад, асос ёфтааст.

АКС: Котиботи Созмони ҳамкории Шанхай дар Пекин