Дар Донишгоҳи давлатии Хоруғ бахшида ба Рӯзи ҳифзи пиряхҳо омӯзиши илмӣ – назариявӣ баргузор гардид
ДУШАНБЕ, 16.03.2024 /АМИТ «Ховар»/. Дар Маркази таълимии сайёҳӣ ва меҳмондории Донишгоҳи давлатии Хоруғ ба номи Моёншо Назаршоев бахшида ба Рӯзи ҳифзи пиряхҳо, ки 21 март муайян шудааст, таҳти унвони «Пиряхҳои Тоҷикистон- сарчашмаи оби ошомиданӣ ва ҳифзи онҳо» омӯзиши илмӣ-назариявӣ баргузор гардид. Дар ин хусус АМИТ «Ховар» бо истинод ба Донишгоҳи давлатии Хоруғ хабар медиҳад.
Дар омӯзиш оид ба мавзуи баррасишуда маърузаҳо пешниҳод гардида, иштирокдорон доир ба ҳалли баъзе проблемаҳои глобалии замони имрӯза, аз ҷумла тағйирёбии иқлим ибрози андеша намуданд.
Дар кори омӯзиш дар мавзуи «Гармшавии иқлим ва таъсири он ба пиряхҳо», «Яхбандиҳои ҳозиразамони минтақаи кӯҳистони Тоҷикистон» ва «Пиряхҳои Тоҷикистон — нигоҳдорандаи захираҳои обӣ дар Осиёи Марказӣ» маърузаҳо шунида шуданд.
Дар охир дар бораи масъалаҳои илмии вобаста ба соҳа дар байни маърузачиён ва иштирокчиёни ҳамоиш мубодилаи афкор доир шуд.
Бояд гуфт, ки Тоҷикистон пешоҳанги масоили ҳифзи пиряхҳо дар ҷаҳон буда, бо амалӣ намудани ташаббусҳои глобалии Президенти Ҷумҳурии Тоҷикистон муҳтарам Эмомалӣ Раҳмон дар ҳалли мушкилоти обу иқлим дар ҷаҳон ҳамчун давлати ташаббускор ва пешсаф эътироф гардидааст.
Ташаббуси Ҷумҳурии Тоҷикистон оид ба ҳифзи пиряхҳо бо ҷонибдории 153 давлати аъзои Созмони Милали Муттаҳид (СММ) дастгирӣ ёфта, моҳи декабри соли 2022 дар иҷлосияи 77-уми Маҷмаи Умумии Созмони Милали Муттаҳид соли 2025 Соли байналмилалии ҳифзи пиряхҳо ва 21 март Рӯзи байналмилалии пиряхҳо эълон гардид.
АКС: Донишгоҳи давлатии Хоруғ ба номи Моёншо Назаршоев
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
